【莫家強】我自己嘅倉位,減咗磅

我自己嘅倉位,減咗磅。

理由,其實係聯儲局主席嘅講話,本身係幾中性,佢話如果國會同白宮唔通過更多經濟援助,美國經濟將會步入長達幾年嘅衰退期。

然而,美股卻跌得好急。

我經常都講,我睇市嘅著眼點,唔會純粹放喺個消息嘅本身,而係會睇埋市場對消息嘅反應。主席講嘅說話,若然市底真係好強,轉個角度,亦可以解讀為佢支持美國推出更寛鬆經濟政策。但市場嘅解讀偏向悲觀,可能反映緊啲大戶嘅睇法,並非十分樂觀。

好喇,今日唔升,都可以睇多日。如果今日稍後時間,美股仍維持住呢個跌幅,而聽日,連少少都唔能夠上升,我應該就會大量減持股票,等升返再買過。

簡單講就係,今日已經減咗啲股票。聽日個市繼續唔靚,就再減。但如果見個市有力再上,就唔減。就係咁簡單。

但現階段,倉位持貨已經減少咗,壓力已經唔大。總之,睇多一兩日,市跌就走,市升就留。

所以,暫時會以觀察為主,如睇到有啲咩重要嘢,再update大家。

風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。






本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室