【莫家強】一直都講,買股票,要揀強勢股

一直都講,買股票,要揀強勢股。

如果你唔係太識得點揀強勢股,你可以買指數ETF,但做法都係一樣,要買強勢指數。

而美股,有三大指數,以納指最強,道指最弱,所以揀嚟買,都應該要揀納指。若然你揀得啱,今日個市,暫時對你影響唔大,因為納指根本無乜點跌。相反,你揀錯咗,買咗道指ETF,咁就要挨一挨價。

今日,個市一般啦。但如果你睇嘅係醫療股,就好多都升得好靚。

升得最癲嘅,要數做醫療檢測嘅QDEL,現價升逾兩成。武肺疫苗股MRNA,都升逾8%。仲有好多其他醫療相關股,現在都錄得唔錯嘅升幅。

最勁嗰隻,我都買唔到,但希望最低限度,大家都有啲斬獲。醫療相關股入面嘅強勢股,可能仲有排升,最重要係順勢而行。

網購股,就留意住之前出現過顯著升幅嘅股票。嗰啲升就大升,跌就少跌,然後到佢再升嘅時候,又可以入市。

雲端股,做法都差唔多。

呢三個板塊,大把好股票,大家要多加注意。

最後,好多朋友都話見個市升咗咁多,有啲擔心。但今日嘅市,正好係話畀大家聽,個市往往係強者愈強,弱者愈弱。

好多之前升唔起嘅道指成份股,今日表現都唔係咁靚。另一方面,好多之前都一路處於強勢嘅股票,今日反而有得升。

對於升緊嘅股票,我想講,其實真係唔使擔心。反而,一啲到升市都升唔起嗰啲股票,大家先更應小心。

風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。






本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室