等樓市跌40%先買樓? #2061

sir

你好! 很欣賞你的著作和參加了你的收息101+103+104及買樓001+003的課程 (Phone num: 90XXXXXX) 誠蒙呀Sir開班教學,指點了小弟需要實行的長遠計劃及方向。 小弟在買樓003學習了出齊所需文件努力上車, 現有兩大詸思希望呀Sir可以解答一下:

背景: 本人行年38,首次置業目標希望買500萬以下兩房 20-30樓齡以下)房屋以作出租。 500萬以下樓, 首期 50 + 律師費7K+ 代理佣金 50K+印花稅 150K= 大約75萬。 (在家人幫助下可集得此數)

 

1)     現在成做收入為每月共 $45K 年入息為 $ 56 (稅單上顯示). 2.59法則,可買樓宇為5.8mil, 沒有借貸及Credit Card, TU 評分為 A級。 上星期提供稅單去銀行問兩大H大行, 他們說小弟可以買到4.8 -5mil樓價的房子, 想請問一下當中計算是不是出了什麼情況??? 是不是有 S&P臨約才會認真對代???

 

2)     Sir 建意初心者應首選: 私樓和大屋苑, 流轉性強和對比性高之特點。 但因為小弟不材只可目標在 5mils 以下之樓宇, 而有感現在九龍東淘X 一房 280呎也要 498成交, 而對比灣仔單棟樓 241-270呎也有430-500 之選, 樓齡也新一點點。 明白單棟樓有不同的思慮點, 不容易了解及控制而管理費也會貴。但小弟感覺灣仔區租金比較硬淨也有好校網之優點, 希望呀Sir能作出批評, 點醒小弟一下!!!

 

謝謝你!

沒有理財方向,愚笨及數口不精之庸才上

 

 

answer:

「TU評分靚(例如A)等於買樓易借到」呢句話,同「有林鄭PLAN」一樣,害死人。

 

林鄭PLAN害人在諗sir於4月9日<真。樓盤傳真>節目內講過”害了不少人”後,生果報就出專題講啦。上年諗sir去左龍珠島拍「300萬之下有別墅」後,生果報又出,佢地真係抄Q抄得好俾面,諗sir都唔介意。何況生果報係上市生意,revenue比諗sir公司大很多,人地一年revenue七億,我地7千萬都未到,所以唯有少講多做吧。現時大部份同諗sir打對頭既行家,都係生果報出黎,所以我都唯有祝生果長長久久,上年蝕1.2億,未來再創新高啦。如果執左,佢班「記者」都可以轉行去寫偵探小說,貢獻香港。

 

講返TU,TU評級A表示你還錢還得靚,例如無遲還,但不表示佢借得多。即係1萬蚊人工既諗sir,TU評級都可以A。但如諗蛇揸咁低人工,連間四小龍三房都應該食唔到。然而用本網免費提供的2.59法則,因未有考慮私人借貸及消費,所以2.59計出黎既借貸力是理論性,實質上你要考慮埋私人借貸及消費先準,想買樓之前更準確咁mark到自己借幾錢? 請讀者利用買樓001課程內容想想自己有咩借貸及消費,借錢之前執走佢。

 

 

讀者還是先訂好方向吧,成熟者有Strategies才後有action,因為佢地有經驗去預判咩action屬正確步驟。後生反轉有action才後有strategies,後生經驗唔夠,strategies往往是做做下才歸納出來。當然不一定要夾硬定義自己為後生或成熟,可因情境而相亙調用。

 

考慮讀者手上幅牌,佢係要買樓。38-40歲是最後階段為自己配上資產係身,迎接因印銀紙而資產膨漲的機遇。那萬一資產唔膨漲點算? 如果今日打後樓價跌40%,你身邊班實力只夠上一間屋既朋友,佢只會口講等樓市再跌40%佢先買樓,而心知自己入銀行根本唔會借到錢。你看看2020年3月,銀行見料稍一般的個案會批嗎? 而讀者自己,只要計到數每月收入夠供樓。或者逼不得已下,預到間屋仲可借到比人住,自己收番些少再貼幾千就夠供樓去頂住。因此買大屋苑樓,就是實力不足者為「再加壓的測試」去預備的方法。

 

諗sir做野憑數據憑經驗,而唔係憑感覺的。如果憑感覺做事我諗我口太賤日日得罪人,正因如此,拜託讀者唔好憑感覺去諗灣仔樓啦。根據4月30日政府最新出的年報,灣仔區空置率達4.9%,遠高全港平均3.7%。而南區空置急升至7.9%,正中諗sir成日講社會運動至肺炎,只對有錢人既樓價受影響,1500萬之下樓房不跌反會升,香港樓市將呈兩極化。至於常提的油尖旺跑出,空置率只1.9%,當區樓房需求強勁。灣仔日日有鋪執,究竟仲有冇打工仔要租及屈係200餘呎細單位? 至於你有能力,都唔會比咁高呎價係灣仔住港島。香港咁方便,寧願住接近500呎深水埗,都唔想屈蛇咁留係灣仔200幾呎吧…








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室