錯過$54入B餐時機、債基表現三月結 #2039

Hi 諗sir, 

 

本人收息101，103及買樓003學生。第一次來信。

 

由covid-19 起，社會風雨飄搖，特來信求教。本人37歲，月入19K，自知人工低，但工作穩定，暫冇被裁危機。育有一子一女，分別四歲及8個月。先生39歲，月入35K，暫時冇被裁員風險，疫情下在家工作。家庭開支約5萬，已經包括一工人，小朋友開支及什費，家庭一年儲錢約$20萬。

 

手上以下兩物業：

1. 屯門區私樓屋苑樓近西鐵站兩房單位，低層，連傢俬租出，月收租$12600，按揭尚欠188萬。月供$73xx ,老婆名，銀行估價$480萬。有ML 戶口。樓齡約22年。收租有交稅，有打stamp duty. 
2. 屯門區私樓屋苑樓大兩房高層，自住，2017年尾，618萬買入，月供$14000，老公名。銀行估價725萬。有ML 戶口。欠按揭$345萬。樓齡約20年。

 

 

股票合共二十萬，油股386，一號仔，及阿里爸爸，HSBC.

 

債基C，old E餐，由2018 九月持倉到現在，60萬本，槓44萬，收息10%，現跌左2x% 

 

債基B，上完103堂，今年2月26日買入，價格$66，本100萬，貢70萬，只收了一期息，一個月跌咗18%，問過銀行冇call loan 危機。因為C餐收的息可以頂住，不需入現金。 倉到180萬才會開始補＄，兩個債基現值213萬，由買入B餐到美股meltdown 四次，確係心慌慌。但冇走到。因為初衷是收息為主。當然價升會開心，但價跌也可守。

 

另外手持現金90萬，先生20萬，全部在ML 戶口收2厘息（現金70萬為與家人一起於2015年投資一元朗市舊樓所得，持貨5年，今年2月完成交易）

 

學生犯錯，貪快，忘記分注，教訓是心驚及少了資金在B餐$54-55蚊入一注。錯過機會。

 

夫婦目標一生三宅，希望45歲前達成，如果要首期，就得賣出債基吐現。但借貸力不足。要行借貸力冇變有之法。

 

請問我的資產配置如何計劃才可以達到目標？有感社會動盪，想安然渡過。見QE加大力度，擁抱優質資產才是旺道。

 

祝諗sir 生意興隆！請多D人！救救失業人士！

 

ANSWER:

近日不少人留詳盡個案發問，先謝大家賞面，照老規矩係答哂付費學生仲有時間，才抽其他問得好既個案答。

 

至於債基B餐(下列價格為B的)已連升3日，之前槓多左或者急買了幾注貨既人，好考慮趁機鬆縛。未有貨就係時候留意定
25/3 55.35(+2.14%)
26/3 56.59(+2.24%)
27/3 57.83(+2.19%)
上述為港紙版計價。而新E餐都連升了四日(24/3 > 27/3)

 

先提出對於讀者兩個淺見，一好一壞

 

好是讀者工資不高但理財執行力很夠，夫婦已各有一層樓加上二百餘萬資金，再次說明龜一步一步行雖然慢但有成果，樓市賺左才有彈藥收息。

 

近月股市已蒸發不少人身家然而住宅投資者暫仍可站得住腳，連一些有人以為好穩陣既REITs，係悶到唔悶既新加坡股場上市仍可跌5成，煤氣股份價格亦3成落下。大印銀紙年代，買交投較活躍的住宅藏富可取。

 

壞是讀者低估C餐下跌風險，筆者認為短時期大市或再有反彈，但最終低位未見。讀者只有90-150萬現金去揸個槓左一倍既倉，仍覺有點危險。由於B餐同C餐可用低收費原則同公司轉換，不妨讀者將錢泊在B較好。

 

明白B餐都有下跌，3月初至今持美國國債為主的B餐跌了約15%，在3月25日美國大升2000點之後B餐已由$55元向上升返約5%。老豆之選整月向下跌7%，已算合格。坊間不少blogger說「三月都諗唔到咩係唔跌」，誠然只有揸美金、同埋揸最長期20-30年期的國債才有升幅，金都要輸，當然亦有人反手沽美股大賺。在於C餐持債評級比B低之下，由C轉B合理。

 

另一點是可趁未來幾星期有的反彃高位，將持倉控制在槓1.5-2.0倍之間，好似讀者咁槓2.0，在此市下已是最盡，最他人都要減槓桿，除非所涉及投資銀碼只佔少於資產30%。反彈高位之判斷，折衷方法可以對比一對ETF，一隻專買中年期美國國債的，另1一隻是20年+美國國債ETF:TLT。

 

近日股市之拋售潮一旦到達不理性點，很多人要錢唔要貨會將資金換做美金或20年期以上的TLT，令中年期美國國債之ETF都跌。即係大跌浪前會出現火燒向上蔓延之象，先拋股票、再到高收益債、再到中年期美國國債，最後連長年期都要拋。所以下次不理性拋售潮現身之前，中年期國債ETF會跌，然後長年期在另一兩天內見頂的，預視下次拋售潮現身。

 

見下圖在過去上星期(3月23-27日)，中年期國債ETF走現走好，就當美股星期五跌900點佢都有升，說明不理性拋售潮已減退，而長年期的TLT更升高過佢。萬一你用技術分析或你自家分析，睇到中年期國債ETF見頂，或中年期見頂後長年期的TLT跟跌，跌幅超單日1%，你可考慮全清倉或至少都要揸B餐或「老豆之選」。

另外讀者2018年買已收了2年息，基本上2年的利息等於很大buffer，減少是次震盪性。已講過最難幫你2019年9月後買，但又槓盡而又在半年間買哂3注既人，只好說:「財不入急門」。

 

自己走落銀行買然後不知就裡就將錢(1:3.9)槓盡的，現在身陷險境。你現時想搵人再幫? 只能搵返原本叫你1:3.9既RM。筆者都可以幫佢講埋，就係叫你轉PIMCO或另一隻TEMPLETON既野，總之幫佢跑多次數賺多次佣。PIMCO好多MBS，你自己睇路。

 

在收息103學生群已有不少學生問幾時再加注，確實$54-55的B餐令讀者有點心動。筆者認為如全未有貨可以考慮入一注，或可參考上述中年期美國國債之ETF創迎低時做短線入市位，長線入當然要睇5粒豆。中年期美國國債之ETF是什麼在3月30日已放在收息103學生群。一年內重讀過收息103請內進。

 

棄股用債(高評級的)加上買樓，相信失業率升高後樓市會現低位，成就讀者第三間樓，到時三宅完成又有些現金淨加上公積金，人生都算不枉過。

 

※只接受修畢「收息101 / 股樓債賺價課程」的學員報名，本課程不對外開放！※

諗Sir 真人授課

**諗Sir【買樓收租課程】**

．當閣下付費報名上課或參與本網站的免費書展/免費文章/免費或收費講座/付費專欄等即等同明白本網站/公司的【收生條款及條件】【私隱政策/個人資料收集聲明】【一般免責聲明】【課堂規則】
．報名【免費講座】請即填寫【免費講座報名表格】
． 缺席課程的學員，可 【申請補課 】( 免費課程除外)，一律安排於下一期上課
． 此外本網站/本公司/旗下導師及行政人員均有權拒絕【任何可疑之人仕】參與任何講座/書展/收費課程/收費專欄及進入本網站/本公司擧辦活動之任何場地而事前不作另行通知
．颱風│黑雨安排載於【收生條款及條件】第17項–

---

---

L1:網上學習(影片8月5日後放出網上修讀)

L2:網上學習(影片8月5日後放出網上修讀)

L3: 2020年9月12日(六)14.00-16.30

費用: $3330