IB入ETD取代債基、買煤氣取代買樓,好嗎? #2020

Q1

諗sir,小弟唔係太明白點解買樓收租好過買債卷股票?如果選對股票,例如投資煤氣,每年12%派息,長遠唔係好過買樓咩?因我覺得買樓還要比管理費、差餉、火險、維修費用等,所以回報率係更低。另政府會想更多辦法增加土地供應,樓價已不能學以前只升不跌了。煤氣10年已100%了 ,當然是買煤氣比樓好吧?

 

其實大把野升得比樓房好,為何你總是發現到買樓大賺的人在,買股大賺的只係好少? 原因是買樓易掌握,加上有槓桿,留意投資物是否易明及少陷井,對你投資能否賺錢好重要。

 

買股票就是夾份做生意而你只佔細股,對間公司無控制權。不少人未賺錢之前已要先拎錢供股,而對供股都未明既人,真適合將血汗錢投入股市。筆者預期市場將進一步下跌,匯豐很有機會似2008年咁金融海嘯時間叫小股東供股,唔供權益將被攤薄。

 

至於近月上落3000點的波幅,套牢了不少人,股票而家賣又蝕,唔賣又驚現時是跌的開始。投資股票攪成咁,是否閣下原意? 所以掌握股票睇易但行難。

 

買樓最起碼,你唔會選到間好核突既樓,因為你同我都係住宅既用家,選股就是另一回事。至於槓桿上,住宅可按八至九成而借貸息率只2.5%左右,跌市下亦很少call loan。買股先講銀行只接受籃籌股抵押借錢,可抵5成但息隨時是prime rate(即5%),一跌到面值少於借貸金額即call loan。早前已有人提及股市大跌3000點,有人連金都要賣埋去補股票個倉。

 

買股票其實都要比上市公司行政行員的薪酬、公司又要比港交所掛牌費、核數費、稅當然要比,同間屋要比維修差餉一樣,只不過人只留意到實在要你比的錢,化在年報的你難睇到。

 

至於政府增加土地供應? 筆者只知過一年新樓動工量創了幾年低位,同意樓房落成在2022-23是低潮。但由於香港叻個浸人都已走左又或準備了第二家園,所以2000萬市值之上既樓升較慢。

 

中原城市指數2010年大約85點,而家約165點,故樓升了1倍。而煤氣2009年$7.5,而家$15,確實又升了1倍。不過有幾多人可揸死一隻股票等10年唔放呢? 其實美股VISA係2009年股價只係約$11,而現時2020年是$200,升了20倍添。照咁睇錢係好易賺,廿倍唔難拎,那為何筆者仍見到做左成廿年野40幾歲野人都仲要返工? 打八號風都仲要返工喎? 

重覆,選擇投資方法不只望過去回報,更重要係你能否容易掌握。

 

Q2

買ETD收息是否比去銀行買債基更好?

 

ETD入場銀碼只數千美金,IB又提供高槓桿,點解唔用IB買ETD而攪什麼B餐或E餐?

 

筆者對市場一向恭敬,經歷了2003及2008年股災明白大市狂瀉時就如人對大自然,無力感好重。所以謙虛一點用正規的債收息好重要。

 

筆者提出的B餐狂美股及港股狂瀉3000點時,由於筆者在2018至19已同學生不時跟進,更有在收息103舊生群同學生每星期兩次貼市研討,指出美國國債類債基應多做,新興市場或大陸債少做,見下圖是一隻ETF,佢主用作觀察B餐價走勢之proxy,個價在2020年2月尾大跌市時更反升,美股一星期內跌過4000點,B餐都仲可頂住,仲有8-12%派息率。比著出面銀行職員或老散,只會用十年一遇大跌市去推諉責任。

ETD係債與股票之中的混合,本身是債,但由於放入股票市場trade令佢個價波幅大增。好似呢條法農行既ETD(下圖),一日個價都輸3-4%。你只跟買又唔識點HANDLE,只好希望你銀碼少當一次教訓。

對於未用債基或直債打好被動收入個底既人,直接用ETD要好有時間同有觸覺才成。到市崩時先知佢地個價係咁插,已遲。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室