貧困式隔離、我想有出路!! #2008

諗sir 你好,我係收息101 DV64 嘅學生

本人年底45歲,太太40歲,仔女已升中學

住青衣居屋,已補價約市值480萬,供淨些少而家月供樓要4200

月頭本人開始unemployed ,三萬幾月入失掉,終於明白咩叫閒在家(其實係隔離,因唔想洗錢而自我隔離)。太太月入20000,一份收入成家用財務壓力大增,仲要怕隨時被隔離太太份工變no paid leave既風險。

睇黎短期都搵唔返份工,靠手上150萬儲蓄過活。未來工資水平未知,但口罩就成千蚊一盒,出去見幾次工都是種負擔。想起諗sir堂上所授債基,現在買是時候嗎? 應該先試幾多?

被隔離的人上

 

ANSWER:

讀者不用太灰心,疫情總會過,眼光要長遠諗下幾個月後點部署,而行動上要注意健康同勤洗手。去下海邊跑下步做下運動,對於45歲讀者可能今次得比失更多。

 

筆者個人認為,如心理負荷不到或感開始被負面情緒困擾,不如一日只睇一次新聞。自6月至今香港人被跨張新聞轟炸太久,有份私伙收入確可令人感實在。起碼你唔單只可選擇work at home,更可隨時辭工唔做高危工作,或索性暫別香港。

 

債基尤其B餐同E餐過去一個月上升,下圖展示B餐的proxy(唔係B餐本身),半年圖顯示個價有序上升,由於B餐買美國債為主,穩定派10-15%年息可以,但價大升就無乜可能。要賺價分配些少錢買股票,不要奢情一投資物可以賺息又賺價,又唔使點理。

買債基收息合讀者,因為收入無左,買樓借唔到按揭。將來不明而將僅有儲蓄押在股票,咁既建議筆者講唔出。十幾年前就係銀行有批人,唔理面前係個70歲既阿婆,明知股市已升至高位仍叫阿婆押注accumulator,為保自己份工或者做夠數升職。因此才有奪命金呢套咁引人共嗚既電影出現,這些年才會有更多人唔相信銀行,在blog尋找一些更客觀而綜觀全局的理財建議。

 

現時買債是好時侯,相反股市會因疫情反覆大幅波動,實力不夠而入股場,不言自喻。當然現金充裕,快到收成期。股市撈到底而可揸上去都是有錢人,疫情同金融風暴令貧者越貧,富者越富,筆者同意。靠跌市而撈到底一鋪翻身? 只好說你的想法及習慣讓你窮,想富唔係等市跌,而係改變自己。

 

債基如A餐派息達15%-20%,B及E餐10%-15%,每月派息而隨時可買賣,讀者可先少注入50萬不槓桿利用佢係收息101學到的方法,一旦50萬真能派息約4200~6500/月,試得2-3個月穩定才加碼至150萬,令派息至15K-20K/月,即可令讀者人生想法有改變,話唔定今次失業是成功的開始。你每天做的不同,結果自然唔同。每日都返同一份工,人生想改當然無望。

至於居屋已補價的可加按,太太20K月入提供260萬左右借貸力,可將居屋六成價格按出殷,即獲480*60% ~ 280萬,令讀者有更多現金收息。如按到280萬供按揭由4.2K升至約11K,將按出的錢好好用債基收息即可夠錢供樓更有突幫自己儲錢。睇定D搵份好些少既工再發展個人事業。





[frame id=6


本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室