買債基收息補貼租三房? #2005

諗sir您好!

自從在網上留意到諗sir的blog,如見曙光。讀完《樓換樓》、《小本收息王》,至今修畢收息101及收息103,課程實在句句到肉,終於搵到個真係幫到我概課程

 

本人40歲、先生同年、小朋友兩個而將升讀小學

先生自僱收入不穩定,本人職業穩定薪金$42K

單名九龍區兩房,500萬市值欠140萬

現金165萬,父母仙遊,沒兄弟姊妹

 

問題:

應將自住樓按爆(自住樓按到八成?),然後買債基收息補貼租三房?

還是賣樓,換三房?

 

再次感謝諗sir用心教導,萬分感激!

 

ANSWER:

暫時你要賣樓,都難賣出。除非你是大屋苑,起碼都中層,仲要調低出價,先會有人睇。成日話沙士先買樓既人,今次真係比多次機會你。但現時所見呢類人等到沙士,仲要等到「100萬一間」佢先會考慮咁話!? 證明解釋只是一種藉口,不面對自己怠惰或貪心唔知足既人,唔跟情景而進化,仲衰過病毒。

 

謠言眾多,信數字加上用真錢而成的樓市呎價,更有底。香港的M3貨幣供應,比2006年大印銀紙前多了約3倍。金管局數字,2006年M3數目為5,089,000百萬,至2019年第3Q,M3是14,547,864百萬,即錢多了3倍而樓價只升了2.5倍,嚴格黎講樓價未升夠。

 

中國越苦,香港越好這是經百年驗證的事實,特首唔使咁好心將香港同大陸connect,當年同胞千辛萬苦將錢用現金拎落黎香港,一開到香港戶口個刻,佢地好有成功感,就由佢地照舊啦。人民幣過去一個月跌了2%,從6.85達7.0水平(兌美金)。當疫情過去人民幣要反映今年中國經濟下調的時候,內地人買美金計既香港樓同保險可唔可以抽更重既稅? 捐入香港疫情基金呀?

 

往後內地人想申請去澳洲同英國讀書,會唔會易過前兩年? 佢地要唔要香港呢隻白到灰既二手手套? 當然要,好過無…

因此香港仍需一批中層至低層員工,佢地要些少糧,係香港買個幾百至千零萬既「宿舍」,呢種樓價好硬。至於二千萬或之上的,由於老大已走,承接自然少。 

 

既然而家賣樓個價都唔靚,讀者還是加按。500萬可夫婦之間按爆八成,得500*80%-140 = 260萬。筆者上年片段已淺解何謂按爆。

如一個人借唔起成筆債,可加先生擔保,或利用借貸力由無變有之法讓自己有第二份收入,令銀行肯借更多。按多260萬出黎供樓金額增至400/259*10000 ~ 15400/月。現金升至260+165 = 425萬。拎其中225萬分三注投入債基,時機課上有授。利用睇價之proxy再加入計算分析(下圖),幾時入第一第二第三注一目了然,自己家中可掌握。

近一星期B餐同E餐價格照有升,至於C餐已見疲勢,見上圖是C餐,現時突破唔到通度中軸加上通道收窄,預測向下。若唔想煩又穩打可用B餐,美國國債為主。今年亦睇好大公司評級高之公司債,新E餐。佢地槓後派息12%-15%,225萬投入一個月收2250000*15%/12 = 約28K/月,夠哂讀者租三房解佢煩惱,搬去靚校網都仲可租三房。又唔使賣完再買樓比佣又比稅。

 

而家可即上堂(睇片),即執行。2月趁有時間做,3月10日已收第一期息。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室