積蓄少儲錢能力低怎增加被動收入? #1976

諗Sir您好﹐

 

本人以往一直沒有投資概念﹐生於基層﹐理財方面很失敗。直到發現諗Sir的Post﹐才深知自己實屬井底之蛙。不斷看你分析的Case﹐才明白供樓的重要性﹐現希望諗Sir可以指點無知的我如何理財﹐早日脫貧。

 

本人27歲﹐有一個細佬

一家3口住坪石邨公屋單位

家境貧困﹐家人不能在經濟上支持我﹐我是家庭支柱需要供養家人

有現金13萬

做政府工、月入2萬8 (未扣MPF)

每年跳Point﹐最盡15年後人工 $44000

 

買了9份保險 年供約13萬

7份保險為消費型保險﹐得2份是會回本的儲蓄保險

(兩份儲蓄保險﹐ – 1份仲有2年供斷﹐另一份仲有4年先供斷﹐下圖為兩份儲蓄保險的單)

 

家用每月6000

個人消費 每月6000

平均每月儲蓄5000

 

年紀不小﹐考慮到要脫貧就必須供樓﹐但我積蓄少、儲錢能力低﹐請問諗Sir能否給我一些投資建議去增加儲蓄﹐增加被動收入? 若果供樓的話﹐以我的能力應供納米樓、或是舊唐樓、抑或是 申請 居屋?

 

 

迷惘而希望脫貧的Fans上

 

ANSWER:

讀者附上保單,五年供20592,到第二十年悲觀拎返35000左右,樂觀79000左右,當中22140是保證。所以悲觀再悲觀黎講,保險公司拎左你20000蚊,廿年後只需付22140予你,增長10%左右,仲衰過定期。當然此刻又有經紀出黎用下列三個原因講下:

五年供20592是分5年入,唔應該當第一年就有20592 in cashflow 咁計

紅利回報可以高達79000-22140 ~ 57000,很豐厚

呢份保險「送」保障,唔應該咁計

我地中庸去看看,假設廿年後回報是樂觀與悲觀之間,拎返(35000+79000)/2 = 57000。約廿年由20k變57k,抵嗎? 坊間已有計劃基本每五年增20%,仲要保證,不用槓桿,如利用收息101的方法槓埋即變48%/5年回報之計劃。但讀者20k變57k即廿年升了185%,投保頗為不智。同時人生28-35歲一般是大花金錢機,又買樓又結婚仲n咁多支出,佢24歲個陣儲7萬美金比44歲既自己做乜春野呢?

 

所以筆者才致力做好成家博客,提供客觀理財資訊。手上既錢一旦用唔好,損失數萬計。如買樓時做錯決策,一百幾十萬咁輸,好多人儲十年都儲唔到。投放資源學好理財知識,最好只限一小撮人有做,令筆者學生更輕易在理財上大贏同儕。

 

如筆者遇上讀者此情況,一定唔會再做公務員,明白頂薪可達44k都屬吸引。但你看看本blog大量40k-70k月入的師兄師姊,有埋人生另一半有家庭,佢地洗錢可以鬆動嗎? 一世人活得精彩及無悔最要緊,唔想為奴直至退休,緊急呼籲讀者多去認識新朋友及攪下關係,提供親和力。多點注意每日時間點運用,練成執行力。從朋友聚會多發言多點做中心人物,培養演說及銷售能力。能力不同,收入也不同。改善每日習慣例如在公共交通工具聽聽英文或普通話新聞、回到公司多叫人早晨,堅持下去你會看到人生在改變著。

 

明白上幾段同財技呀~按揭呀~買樓呀~無關。不過人叻受認同是基本,必需做。有錢買樓同收入高是end product,無需強求。前面做得好,end product自然湧埋黎。對於30歲未夠仲有本錢為往後人生大改的提問者,筆者會盡努力去說一番。

 

既錢無咩錢,請cutL左d無謂保險。咩要cut咩要留,收息課已教了。明顯近十份保單是過多,什麼家庭支柱不是買多的原因。現金13萬,佢要投資落一些基本方向是上升的投資物,再探索如何低買高賣。基本方向升,即係你買錯都可以坐價坐返上黎,易守。展望2020筆者會用三大主題去研究

  • 美國的reits,特別是積木屋類型的reits,美國窮人要買樓買積木屋買屋唔買地,省錢受歡迎
  • 5G趨勢,投資美國半導體股(Semi conductor)
  • 油價,價已由$55俏俏上番$60。俄羅斯股市更在不為人知的情況下入了升幅10大

 

上圖為俄羅斯ETF,筆者在2020年1月3日的講座會聯同PATRICK解一解,本人只會講解股市分析。見把握紅圈的突破訊號,半年間已獲利三轉。先講我們不是授予必勝法,但你想靠股市滾大資本,必須有一套方法而唔係睇報紙靠消息。ETF及美股是收息104課題。

 

至於1月3日晚的EXCEL選股講座內容及報名方法如下:

https://homebloggerhk.com/87405/

 

將13萬儲蓄加未來儲到既錢,先20%投入ETF或美股,理順出一套勝面高的方程式(策略)。另80%投入債基可少量槓桿做E餐,得10%年息。留意8成錢產出的息,假設是16萬次八成即12萬8,一年收息12800。另兩成買股,即32000元,32000元當中輸了12800/32000 = 40%,都可靠當年收的息保回,至多當年無增長。如此一來,到5年後試好一套滾大資金的方法,有膽量可趁早轉行,或留做公務員做私下撈些小生意,由股場賺錢去打本,慢慢脫離打工生涯。買樓在兩年內暫不需要,試左股票同做生意轉行呢D路都行唔通,或到30歲無進展才行買樓呢條路。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室