【莫家強】買貨的主要兩個條件

噚晚喺同學群組中,講咗可以買貨。買既貨,主要符合兩個條件。一,走勢要靚,股價近日曾破頂,或仍非常接近頂位;二,最好係美國既全球有領導地位既行業。

至於港股,指數唔差,但我哋就可以睇住有邊啲股票,之前已經一直弱開,而今日都仲係升唔起。

舉例,恒生(0011)之前好弱,有朋友問我造淡好唔好揀呢隻,我話唔好,因為呢隻股唔差。今日,到暫時為止,恒生升2.91%。

相比起東亞(0023),之前比恒生跌得更早,跌得更多,但今早反彈,只能升1.67%。造淡,揀呢隻更好。

再講多少少策略。

中美談判有進展,兩地股市都跟到升,係好事。但下一步,就要開始留意,有邊啲股票好快就無地再升,呢啲股要避,或可等大市升勢減弱時造淡。

至於能夠繼續上升既股票,就一直揸落去。寫到呢度,有特別嘢再update大家。

風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

 






本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室