擠提走資下用PLAN B收息移居 #1922

諗sir, 你好!

 

我早前被朋友介紹上收息101,正如朋友所言,諗sir 風趣幽默加上冷面笑匠的風格,就當課程資料密集,亦可進益不少。近月有危有機,本人儲了筆現金既想投資亦想部署退休生活

 

本人月入$20k,文職公務員工作穩定。先生月入$60k,但現時經濟下行有點危險

 

早前賣走居屋及補價,回籠300萬左右。我同先生努力儲蓄,靠自己儲到另外300萬現金在手。可惜精彩年華已過,人生還有幾年就進入50,感覺力不從心

 

學了諗sir的收息智慧,令我們更有信心在海外生活,由於仔女已成年,我地想到別處退休,離開香港

 

現有些問題想請教:

應否將錢轉美金走海外? 點做先最好?

那處生活安全有保障而樓房可負擔?

應否在香港買返一間樓? 仔女話要留守香港,我們夫婦都不能不同意,但願他日返香港有間樓有個落腳點

 

此時此刻, 如得諗sir指點實在感激,希望你可努力多助吾等小香港人,謝謝

 

ANSWER:

簡單而言,呢位朋友剛好賣樓返筆錢,而家就有更多選擇。不少人理解現金為王,是認為「大跌市下可平價撈底」。然而現金另一好處是: 你可隨時選擇資金停泊地。近日已收風金融機關向銀行同證券行說明: 唔可以提出叫人搬錢走的建議。因此本blog為避免被落閘封艇,先聲明本blog沒有叫人走資的想法。

 

各位亦不需悲觀,香港的低稅率及中港融合人口,就當點亂相信過後仍在。城市的健壯,尤其香港,是周邊的客觀因素(如人種、稅率)而成就佢,多於城市自己爭取而黎既成就。當然為自己準備plan B可理解。有些人的plan B是去匯豐/星展/花旗的專貴戶口部開個海外戶口,然而在十月之前,如只屬一般專貴,好似讀者呢種,排開戶要2-3個月。加上戶口開立後客就會打錢走,保證職員唔好暢順幫你。另一個plan B 係去海外證券行開股票戶口,用埋BNO護照開,死都要求個戶口開在證券行的美國總店咁話(因如用HKID開自動將戶開在香港分行)。可惜各大美國證券行上星期爆減價戰,有證券行在美國上市的股份單日跌25%,你仲敢唔敢打錢過去?

 

所以新加坡更有得諗。但唔係新加坡銀行(因已被人排爆),而係新加坡的證券行,快手3日就OK。仲要夠大而將港幣轉做美金放在證券行等價靚去買債基收息,咁就更絕! 更有米的就開新加坡的私人銀行戶口,入手800萬HKD就可以,無關係去問開戶要1500萬,筆者7月起有些收息103學生已入表申請開戶,呢種轉介開戶筆者1蚊都收唔到,只係趁此時幫下某些香港人。

 

讀者可將200萬HKD放係海外轉美金,分三段買入債基B餐收息,B餐派15%年息,即200萬HKD轉了美金後,年派30萬HKD等值的美金作利息比讀者。月月25K港幣係東南亞如泰國或台灣都好夠食了! 去日本亦夠用,不時係新加坡戶口打錢去日本就令你夠錢浸溫泉。此時如想選擇減少在港,有冇學點去穩定收息極為重要。即係你攪掂好月月有糧,去邊度玩洗乜人教你?

 

當然淨400萬可將其中200萬再美金,留係香港。呢筆錢先定期,就當有人真禁止資金流出香港,應只屬暫時。至於不少港人由於慌張,致使網上流傳今日(星期二)將擠提銀行的消息、國際炒家因此對準狙擊聯繫匯率,咁都唔奇。總之若有此事,都係港人慌張既錯,點會關政府事呢? 筆者由上星期五至今,N咁多人打黎叫我搵人同佢開海外戶,都唔架政府事架…另外我地已呼籲佢先信政府架。

 

有心又有米的,七月或更早已做左。而家呢浸,係到尾群羊都醒覺人踩人個種,希望唔好出事。留意一旦聯繫匯率脫勾,返回1982年個隻9.6港元兌一美金,你都時揸美金去換港紙供返香港樓就發了。有時港紙平了,對回復香港經濟更易。如果市面已平靜,一晚$200-300蚊的4星香港酒店,對於世上不少人而言是極吸引的。所以話呢,不要太悲,做好準備,雨天過後又是晴。

 

至於香港樓,不認為有大跌之險,但10-20%的調整難免。現時搵美國國債為主的債基B餐收住息,或新E餐用高評級公司債收息,債基的收息派息地亦不一定在香港,等社會角界有了共識,再買間樓平實收下租,產出被動收入令你可長住海外絕可以!

 

此時此刻,更考驗Blogger對各方理財的認知及收風能力,對抗不明朗因素之能力,讓blogger與忠實的讀者一齊脫險及進步。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室