每月賺三萬、賺夠過肥年! #1919

 

本人41歳,老實說,未有真正上過諗Sir堂,因時間暫時真的不容許,只好日日睇blog. 現正經歷人生大波拆,前路茫茫。希望有幸得到諗Sir 指點迷津。

 

丈夫外遇,外遇再外遇。現已離婚。我當全職媽媽超過十年。有兩囡5歲和10歲。讀國際學校,洗費龐大。前夫答應會支付生活費和學費到大學畢業。

 

離婚後,我取回父母現住單位,現和姐姐共有。TKO 三房,市值約千三至千四萬,欠銀行170萬。這層樓現供父母居住。另賣完呢樣果樣後,分得約現金一千萬。有人覺得好正,但自己知自己事。兩個囡仲細,今日晤知明日車。另女兒中文都唔掂,應該會在姐姐中學後一同到英國繼續升學。雖然話前夫答應照顧生活費和學費,但我唔通expect 佢養我過世?講真的,要再信男人都好難,所以都想為自己和兩個女長期打算。

所以想在這裏請教諗sir, 1000萬應如何配置,長遠點算好?

 

多謝諗Sir! ️生活愉快,生意步步高陞

 

前路茫茫的單親媽媽上

answer:

相信大家來信是想求真答案,學真功夫吧? 那只好盡力逼一逼了。

 

問題一: 過去十年沒為自己產出過收入,打工主動收入沒有,被動收入更沒有。故現陷有錢都唔識用之境況。

 

問題二: 靠人。這世界沒話誰靠誰,好似筆者自己如日日懶唔做野,親人會遠離,同事唔想跟咁既老細搵食。更何況作為家庭主婦,為什麼女兒在香港讀書竟英文好過中文呢? 多人陪時常講中文進步唔難。香港稅低、賺錢易。為什麼令仔女更難留在港自斷一條路? 雖我地係講理財,但要帶出「人做得未夠好,注定終日破財。」

 

舉個例子,有個人間屋成日租唔出,地區無問題,間屋無問題,那問題出係邊? …原來佢試過開價將屋租15k,到經紀收到訂簽約時佢即反價,到價就反,令人白做。經紀好心幫佢買些電器令間屋睇落無咁吉,佢話成堆電器當中佢已有電飯煲,叫人扣返$出黎。這樣做,大家心中有數,出聲就唔會,財神就會走。

 

所以只要性格處事不變,就當一日有錢,仍會慢慢「打回原形」。將上述先講明,他日如打回原形,請不要入筆者數。至於論時間,筆者每班收息學生平均超70人,今年12月就預計開第70次。當中學生有醫生有老闆,月入廿萬起跳,佢地時間都好寶貴,但他們在賺錢方面仍覺得可在筆者身上獲取一點。相反筆者盤生意點做好一點,就靠呢班專業人仕提點。

 

論1000萬,第一先忌大手投資,近年沒工作經歷加上沒理財知識,就咁將錢曝光,比人合法咁「呃」幾可預期。第一選是投入月月派息的債基,利用其可隨時買賣贖回及可細金額去試,先投入50-100萬看年派息率能否真如本blog咁講達10-20%。當然你可跟筆者唱反調,唔用債而轉買股票收息。網上大把免費股票資訊,都是由證券行同上市公司資助的,原因為何? 要明就明。

 

慢慢每次70萬投入債基,分4次買,共200萬債基左右,派息年15%,讀者可看看真否有25k息派入戶口。筆者在課上提出之債基2008年之前已在,亦獲銀行提供槓桿增大回報,大家明白如隻基金唔掂,銀行會唔會同你一齊癲槓桿錢比你做投資? 至於點控制槓桿唔好「將火開得太大」,這在課上再授。知舍方法唔得於落手識做,這就是為何筆者在課程會多談落場應對經驗之原因,絕不會放低個投資物名然後算數落堂。

 

當200萬債基做好,月月有收入啦。然後買一港樓例如新界三房,將其改做四/五房去增大租金回報。預期18k之月租可增至25-30k月入。唔信你自己上hse28睇睇,單租一間屋入面既房仔而家叫價幾錢? 酒店之減價潮將會完,不少學生或內地黎之教務人員開始搬返去屋苑樓了。打理樓做投資的知識,盡左買樓003課程傳授。另外這間樓可留條底線比讀者: 一旦有日唔掂,將間大房留比自己住,其餘房仔租比女生,相信4間房租金收入已夠自己供樓。那既有人一齊住,約22-24k之租金收入扣埋供樓15k仲有6-7k/月比自己開飯。這project是一個很好之退休策劃。其實你見希臘、意大利同台灣唔少民宿,都係此概念。只不過學生宿舍簽2年約,更易管理。

 

買樓預100-200萬首期,完成債基及樓後淨600萬可定期,試好哂先再郁。樓及債基提供月被動收入>30k,唔太大洗可頂一排啦。

 

問題三: 來文充滿錯字,係咪想同唔識中文一事呼應?








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室