【莫家強】期權短評 – 等機會出現後再博

的確,港美股市的短期走勢,都未如理想。現階段,最好仲係多留現金,等機會出現後再博。

美股方面,Nextera Energy,超強。當然,佢係公用股,較不受市場氣氛影響。但如果大家既投資倉位,都可以加入一啲優質既公用股,對分散風險,會有幫助。

Home Depot,轉弱咗啲,未來幾日要睇住。跌,就有大概之前既買入價平手走;升,就繼續keep。事實上,噚晚開市時佢表現都OK,尾市都唔係跌得多,只跌0.37%,但整體走勢已比之前差咗,如再跌,都要跟策略走人。

交易所股,近日表現不差。CME、ICE,在跌市中仍能保持升勢,但入市,我都建議等市況再有升勢動力先。

現階段,我知道既朋友,有人睇好,有人睇淡,但喺再趨勢既市況下,兩邊都好難做。總之,要注意風險管理。

但特別係美股,整固完再升既機會,我覺得仲係好高。

咁策略好簡單,整固緊,又有風險,咪揸多啲Cash 先囉。到整固完,美股再有升勢,我就會再博。

另外,兩隻信用咭股,暫時大家應該都落咗車,但唔好唔理佢哋。呢兩隻股票,長遠前景非常亮麗,一企穩再轉強勢,我就會再上車。惟此刻未係入市時候,所以,耐心等待機會啦。

風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

 

 






本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室