【莫家強】呢啲市,唔係最易賺錢既時間

港股又好、美股又好,最近都係升升跌跌,呢啲市,唔係最易賺錢既時間。

最易賺錢,係當個市開始出現趨勢,而你跟入去玩。有趨勢既市,好處係,你一跟入去順勢而行,最低限度往後幾個月,你係應該唔使煩,只要簡簡單單坐住啲貨,就係有錢賺。正如係幾個月之前,大家坐Mastercard、Microsoft一樣。

呢一刻,我自己揸住好多Cash,原因就係我睇唔到短期內美股會步入趨勢。

有朋友問,幾時可以買嘢?

其實我既心態係,我唔會估,但我會細心睇住啲股票既走勢。將來,訊號一出,我就會再入市。

當然,噚日美股回穩,我哋要睇住啲股票既表現。Home Depot,前幾日轉弱咗,但已初步企穩,再上,未買貨可以買。

交易所股,等破頂後解決埋啲阻力,又係可以買。其餘都仲有,等個市再明朗啲再同大家分享。

總之,等個市話畀我哋聽點做。General rule,就係等啲股票升先買,寧買當頭起。相反,就繼續揸住cash,耐心等機會。

最後,趕緊條youtube片,同大家講吓Mastercard。呢隻股,只要擺脫到短期弱勢,絕對可以再買。原因,片入面再講。

風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

 

 






本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室