渣打直債有約7厘利息, 請問是永續債嗎? #1914

Dear Lum Sir,

 

你好! 我是 DV42 學生(DV4261), 上了阿 sir 課程後, 反覆思考及 study 阿 sir 的文章, 最終在今年5月加按了大埔樓宇得3 million (樓已供完了, 沒有其他貸款), 槓桿買了2million 美國國債 B餐及1 million Pimco 環球債基(現在價蝕了小小), 扣除所有利息後, monthly 可收約15 至16k, 現在希望阿 sir 給我一些意見, 我還有大約 4.5 million 現金, 想抽其中1 million 買阿 sir 常常提的渣打直債, 有約7厘利息, 請問這是永續債嗎? 如果是, 永續債的risk 是不是比較高, 值不值得買呢? 其餘暫時做定期及放在mortgage link.

 

因我買債基時已用盡了槓桿, 再買直債應沒有槓桿可用了. 

 

我家庭小康, husband 及自己月入共約5萬多, 小兒已是大二生, 亦準備遲些到澳洲讀 master, 因先生工作有些不穩 (收入約25k), 我們都是外貿行業很受貿易戰影響, 往後看來生意只會更難做, 所以希望做比較穩陣的投資, 如沒有工作亦可正常生活.

 

先謝謝阿sir 的意見!

及生意愈做愈好!

普通人上

 

ANSWER:

家陣唔係話諗sir講既野你一定要跟,但讀者修畢課程後買入B餐,年初至今價已升9%未計息,而佢自己搵黎既 Pimco 環球債基就要蝕價。所以希望大家多收看103舊生討論區內附的應市片段,及不時為大家增補的資訊,只要你一年內有讀過103,無論你重讀定係新讀,都可順利進入討論區。

 

另外放成300萬入去,為何只能一年收16K*12 = 19萬2咁少? 即6.4%左右? 就當今年利息加了,利息成本支出多了,都唔應收得咁少息。B餐一向都可做到超過派10%,筆者懷疑是否佢自選隻PIMCO拖累了整體表現。筆者看法是讀者應在執行收息方案上有錯誤,搞清當中失誤及令8-12%年息出黎之後,下步再加碼直債未遲。

 

有銀行是不會將債基槓桿後的借貸,寫入信貸報告的。雖然咁做唔妥當,但益左客人屬真確。因為槓桿借錢佐唔落薄,就無損他日買樓之借貸力。故讀者未必使咁擔心槓唔到直債,但留意做直債或保險之槓桿,就無得「走雞」,幾可肯定會mark入信貸報告的。

 

筆者除了提渣打直債,其實宏利、利豐、恆大、獅子、李生一家的直債都有提過,所以唔好講到我地常提渣打同淨係識佢咁偏狹。至於渣打7%個條,是永續的,及有提早贖回條款的。依讀者情況,在認識好其贖回條件後可以買。下圖展示渣打債過去一年價升多跌少,筆者看得上眼既野好少「弱雞收場」。另外先提提你: 渣打銀行同代理呢條渣打直債是兩回事,如果你想浪費時間又或比人困住係房夾你買保險,你可落去該銀行問問。另留意現在50萬美金開戶就可以享有私銀咁低息,唔一定要1000萬才可開私銀戶口。如果閣下上過的課程有見過筆者助教Gary, 可找佢問,佢已準備了些資料,下下圖顯示近期賣價$113。

讀者已進入人生後半部,同意應多買債及接觸直債。債基B餐年初至一直升得好靚,到九月第二個星期才大部回調,屬「回氣」之象。未來美國仍需減息應對貿易戰,以美國國債為主的B餐可減息下受惠。至於新E餐是高評級債為主,避險情緒高之下錢仍會留在高評級債,故筆者將E餐由舊換新,即原本舊E餐是用公司債較低評級的,換上高評級債新E餐,就要為市場一旦出現大波動做準備。至於滿手穩債者可留有一手,利用槓桿ETF去捕捉一旦市場出現之急劇升幅。例如美股一旦去到歷史高位,就用些少錢揸隻SPXL,三倍於美國S&P500指數的。為萬一出現股市急升而債跑輸的情況,幫自己係ETF方面賺返些少錢。

 

對於執行方面有感讀者仍未順暢,不建議此時再撥多400萬去投資。點都好用少點份錢去試好B餐槓桿,幾十萬開始都可以,理順好才加買直債,最後加碼債基。800萬本錢當中如投入600萬就直債及債基,就算只派10%年息,一個月都收成50K,抵足讀者夫婦月入。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室