【莫家強】期權短評 – 美股,已無大礙

 

經過呢一兩個星期既波動後,邊啲股票得,邊啲股票爭啲,大概已有眉目。總之,我買股就係兩個重點。第一,隻股基本因素要好。第二,技術走勢要強。識得點揀兩邊都符合條件既股票,餘下只要「唔好股災」,就能賺錢。

近期最強,要數SHOP、AWR同NEE,前者係增長股,賺得最多;後兩者係公用股,回報當然唔能夠直接比較,但三隻我都知有朋友揸咗,揸住既,可以繼續揸。未買既,唔係呢一刻買喇,機會錯失咗,唯有等下次。

至於港股,企穩咗,但唔見有力升,都係嗰句,唔好抱有太大期望。

我自己既做法,係用港股做啲偏淡既策略,然後買強勢美股。

我既諗法好簡單。往後,有機會港股跌,美股升,但就無乜機會港股升,美股跌。美股跌,港股將只有跌得更深。呢個部署,有機會兩邊贏,或當做對沖風險都可以。只要情況無變,呢個做法就繼續會係大方向。

風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

 






本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室