【莫家強】期權短評 – 港股還港股,美股還美股

有朋友問後市點睇,早少少出post。

我自己會分開睇,港股還港股,美股還美股。

先講港股。今日,純粹睇恒指,其實表現唔算差,最低限度「十點半」都仲OK。但都係嗰句,反彈有機會出現,不過要從此轉跌為升,機會不大,對於港股,唔好抱有期望。要買,就買美股。

咁美股點?

睇你買咩股票。雖然道指跌逾600點,但如果你買啲係NEE 同AWR,有咩好驚?個市咁大跌法,NEE都仲有得升,你揸呢啲股票的話,暫時乜都唔使做。

其餘股票,當然好多都要跌,但第一日個市咁跌法,咁啲股跌,都好正常。我成日都講,就算係最好既股票,都唔係代表唔會跌。只不過跌完,會好快能夠升得返。

所以,睇今晚。

假如你手上既股票,今日已經有反彈,咁你就唔使太擔心,照揸可也。只要大市一回穩,呢啲股票通常都能夠大升,話唔定,今個星期內已可再創新高。

相反,假如上星期五跌完,到今明兩日都升唔返既股票,就要小心。然而,現時,無必要自己嚇自己,跟住策略做就可以。

其實上星期,用電腦掃到唔少值得留意既股票,呢一刻,正好就睇下呢啲股票既表現,再定去留。

風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

 






本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室