銀行輸左我D錢,點先可以執返正? #1890

上左7月的收息101班先知道之前係銀行買左以下2隻唔應該買既澳元基金, 饋價饋滙水下賣剩部份, 想問下轉基金定係賣左再買比較化算?

施生X亞洲高息股債基金(澳元)

XX全方位入息基金(澳元)

想買B餐, 定等到上埋9月103班先重整好?

如果自己經營公司,但冇出開糧比自己,係咪要做些文件去準備買樓?

 

ANSWER:

為何銀行要說你轉澳元買基金? 一面說用澳元買債基收息較高,但另一面睇是叫你買外幣去賺你匯水。不少人認為傾到比佢心目中低的認購費好叻,然而銀行即利用你匯錢唔熟價即刻賺返。當然你睇完呢篇文,或唔會亂咁轉外幣去買債收息。不過在成個買賣債基的過程,還有很多關卡可以賺你。所以不少人在金融機構投資,只感兜轉而無錢賺。

 

澳元跌破徘徊近兩年的區間,跌穿5.50兌港元,下方無阻力位,難作觀察。唯一可取是逄高見5.50兌港元沽。若要持有,要有對沖準備。下圖顯示澳元兌港元由2016至2019年初,大部份時間由5.5-6.0之間上落,只試過兩次突破6.0但到6.3都要回。6.3兌港元,即澳元兌美金達0.80大位,高阻力。當時同學要賺錢比較客易,6.0沽及5.5買這策略已令佢地賺返學費。至於金融機構,個客每天外幣掛勾到期近乎無選擇,為佣都會叫你即日再掛好落單,造成不少客入市位不理想。

 

至於讀者入手兩隻基金都係股債基金,為何不用股債、而只用全債基金,原因一是股債基金一向伴隨評級差的債基。因股債基金大約50%投在股票,股票派息一向波動更不保證,唔買返8-15%年息的低評級債去霍倉,無可能派到6-9%年息比客戶。然而咁做令股債基金波動大增,本案同學到堂先知而家蝕的情況,其實可避免。如買全債基金唔敢講一定賺,但起碼收到的利息都夠補償債價之跌,唔會好似股債或全股基金咁一瀉如注。就好似匯豐,過去一星期價格已由$65水平跌至$56,收幾多息都補唔返。中電都好令人擔心,至於煤氣小心有很大政治風險,現時有軍隊看中了香港的大孖沙,行得過黎就當唔搶都會要些打賞。

我們用morningstar比較8月16日計,讀者欲轉之B餐同佢其中一隻買的施XX基金之表現。如下:

 

過去一個月:

B餐: +1.89%

施XX基金:-3.02%

 

2018年

B餐: -1.13%

施XX基金:-5.27%

 

2019年YTD:

B餐: +8.6%

施XX基金:+10.85%

 

當然若你買開股票,可能會認為過去一個月無論B餐+1.89%或施XX基金-3%都不算什麼。然而筆者主打收息選取投資物亦嚴謹,一個月輸3%,如持續一年可輸超20%,對收息人而言不能接受。相反B餐由七月中至八月中都+1.89%,在此波動市況很有交待,這亦證明筆者由第一季開始疾呼B餐幫到自己人。另外施XX基金YTD升了10.85%,但2018年輸了5%,即佢年幾之間由100跌至95再升約10%至105。但B餐2018年只輸1%而今年升8.6%,即由100輸至99再升至108。說明了低波幅投資策略之好處: 想要賺錢只著重低波幅投資,起碼令你跌市輸得少,一彈就比人快升突!

 

 

撥部份錢買全債基金收息,比你想博大賺咁買股票,更有效率更理性。讀者原兩基金需止蝕,等錢返可試B餐。另外有關按揭之提問,讀者需要一間非自己作為董事的有限公司,出糧比自己,咁開始最能令借貸力變最大。次選是報自己做老闆,去找些銀行可以接受公司收入額的15%去作收入,咁去借係借少左但都叫做到。最差是行資產證明,報自己沒每月收入,提供手上資產想去借錢,咁借借得最少。詳談上述分異之課程在買樓003。

 







 


本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室