有危必有機、樓奴點upgrade? #1887

Sir, 你好!

 

本人101收息班的學生, 並巳報讀了103收息班, 相逢恨晚, 剛剛生存於地球上半個世紀, 先知道買樓的重要性.

 

九年前為方便照顧小朋友賣咗自住單位, 租咗近家人一間樓住, 一直等機會樓價跌想買返, 今年初終於認輸, 買咗一層樓自住. 求諗Sir賜教, 好等我可以規劃下半生:-

 

本人50歲月入$71K偽專業人士; 有兩個分別8歲同11歲嘅兒子; Mortgage loan  $5.2M , 分30年還每個月還款$21K, 樓價估值$12.2M, 現金$0.2M, 股票蟹貨 $0.1M同匯豐股票 $0.12M (入貨價$46作收息用).

 

現 MPF+ORSO  $1M; 每月10%人工作 MPF+ORSO 供款, 每年year- end bonus 有$0.15M可以作投資用途. 有份投資相連壽險現金價值$0.12M; 保額係$0.5M. 唔知可唔可以做抵押.

 

太太45歲, 3年前公司倒閉後現做全職家庭主婦, 有$0.65M MPF可以作投資用途, 有份壽險現金價值$0.10M; 保額係$0.4M.

 

請問諗Sir, 我應該可去可從呢!

 

 

ANSWER:

 

讀者真係將佢退休生活交哂比政府MPF,除左MPF+ORSO個100萬,其餘錢都好濕碎。閣下要知紙幣的價值不斷跌,樓價升主因銀紙貶,M3的貨幣供應在2008年後飛升為不爭事實,升了4倍。而樓價08年至今升了2倍幾,你可以話升唔夠添。間唔中有人話:「97年至今人工無多到,樓價升咁多唔正常!」只好說金融市場涉及M1至M3貨幣,而出糧用現金大抵當為M1,第一層既觀察係建唔到第三層既現象既。

 

當然港樓行將下調,政治事件令經濟走向難預測。日日想樓價跌既人,筆者同意你地面前有個唔錯既機會買樓。然而筆者更擔心,係不少像讀者係18-19年「投降」上車既人仕,佢地可能在賺錢不深之時即要面對樓市下個風暴,筆者這星期睡時夢多了:

 

先發夢看見到個賺錢機會: 有幾個黑衣人,唔知咩國家扮的,先沽空期指,再去機場開催淚彈

 

當然係發夢,應該唔係真。不過香港已成為了個谷爆的壓力煲,有外國L想借此食花生大賺是肯定。

 

上星期筆者提過美國攻擊人民常資金池,然而香港雖是世界人幣最大資金池,但戀數只5-8千億,同美國國債發左成5千兆億比較,人幣資金池好細及沽空佢搵唔到食,所以斷言索羅斯及其朋友如果黎,唔係為沽爆人仔再SHORT中國股市賺。由於人幣業務幾肯定倒退,中銀香港(2388)單日跌近4%。中銀vs中國銀行,就係一個trade pair。

 

對一些很少現金,及(AND)樓價賺得不深的人,就如讀者,應做好一手沽空香港大市。留意咁不表示筆者睇大跌,而係為萬一真大跌,要提一些無防護力既人做好準備。已講很多次,投資唔係估市。

 

錢夠的,保住揸美國國債類債基收息,美金計值,伺機而動。

 

錢唔多既人,應買入遠期價外期權(下圖展示一些例子),例如9月尾到期而很價外的,槓桿會好大。一旦大市真突大瀉,你幾萬元之投入將數十倍回報,足補樓價帳面之失,或拎舊錢可長捱一排。當然如市唔跌,你買期權舊錢可以total loss,但如閣下現金唔多加上有意係跌市賺舊大錢翻身,今次可能係一次機會。越多人去既地方,你搞清楚先好去。投資市場,大贏既人只係少數。

當然唔用期權,可用期指。

 

97-98年,有人曾想沖擊聯繫匯率,同時沽空期指,當年財政司Donald話:「如果唔入市,恐怕恆指只剩4000點。」當然,最後救得到,穿少少8000點就止跌打退大鱷。如果你對社會無希望,或終日花透時間睇新聞而累透者,不妨趁時間學好期權或期指應用。唔係叫你唔關心社會,但你由早到晚都關心真係好累。時代仍未終結,路總要走下去。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室