人到四十、怎理財蛻變重生? #1885

Lum sir 您好!
我應該算是你忠實讀者,但可惜執行力不足,依家兩公婆人到中年都冇樓係身。
可幸的是去年上了你103收息課,就馬上用1,000,000買入A餐B餐各一半,每月產出利息可作補貼租金之用。

 

以下是我們的資料:
本人44歲,月入46k, 兩個月花紅,港幣500k定期馬上到期,人民幣130k定期,另1m債基,冇樓喺身冇其他負債

先生49歲,月入48K,三個月花紅,有港幣1m流動資金,外幣定期價值港元50K,股票50k,冇樓喺身亦冇其他負債

大陸中山有一層樓現值1,000,000人民幣,冇按揭,打算退休後可以自住,其實最想係有升值空間放咗去賺返啲補貼下退休生活

1家三口現租住新界單位月租16K,女兒小學四年班。

 

我們一直錯過入市機會,後悔不已,見到我哋真係前路茫茫,退休都有問題,希望阿Sir你可以指點迷津,等我哋嚟緊條路可以行的比較舒服啲。

我們兩公婆諗緊而家係唔係應該買入一間細細地兩房出租,第時可以留俾阿女或者或者自己搬入去。定係可以買入新界三房租比內地學生, 產出更多現金流補貼租屋費用.

非常希望得到林sir的解答,祝蒸蒸日上,更多讀者受惠!

 

ANSWER:

人都近半百,人工唔係低,但儲既錢唔多,此情下讀者要用技巧搭夠客觀條件不足。

 

個層中山樓留意要試下放賣,真係見到有買家承100萬,先叫「有100萬係手」。一項投資如買入後勁難沽走,不要考慮。當然不少內地樓同意好好賣。

 

債基不是退休萬全之策,但3至7年之配置或更短,是可以的。因債基派息不會隨通賬而上升,好似讀者A+B餐收息平均應在13-15%年息,一年收一萬餘元而家當然夠貼租金,但20年之後不可。樓的獨特性在於可抵押性高,及租金可隨通賬齊升。你而家收緊1萬間樓,廿年後收租或3萬/月添,退休用樓做主軸,其義在此。

 

由於讀者餘下只得10-15年時間可追,之後退休。時間已不站在讀者一方,想退休舒適唯有下流,應考慮去更低消費的地區退休,同時有技巧在香港買樓一間再轉成學生宿舍,用知識將租金DOUBLE。好似一間18K三房轉做學生宿舍月租升至35K,仲要一次過收哂租,拎呢筆錢去台灣或泰國、同意都幾好洗。

 

當然如閣下38歲未夠,應努力在港或新加坡發展,此兩地方稅率低唔似有些國家,薪俸稅打30-50%而租金收入打成25%稅,確實你到了別處生活才知香港有幾好。所以不要輕易放棄閣下底線,努力在港搵錢,真係發現唔掂先諗隱居外地。筆者亦相信,減稅很能吸引外資重回香港。

 

由於讀者夫婦手上沒香港樓,此為靚牌一張,不妨入手屯門三房,600萬有找,近排仲可以講價。首期去到盡九成,或八成上會讀者都夠錢,120萬現金付出及借460萬左右,月供14K,下面間樓就前排賣呢個價錢,經筆者舊同事公司改左做學生宿舍。VIDEO中開首係廳而進入的第一間房,左右邊床各租了4千幾,即一間房已收了9千幾。其餘房未租出,估計成間樓共收36K月租,而供樓只14K,正現金流超20K/月,做法參加買樓003課程。人工不足時間唔夠,學些貼市技巧將樓改裝,比起你日估夜估個股市更有效用。宿舍用木改間,只不過係屋企起個木櫃咁。

 

債基不要加碼,然而過去一年大風大雨,讀者仍對A+B餐作出正評,相信下一年感覺會更良好,尤其B餐主打美國國債。做好一香港樓仲加中山樓及債基,現金流都成30K有突,有景就留係香港,唔想就移居泰國、又或希臘、再唔係住英國都唔係無可能。筆者近月已就不同國家推出了海外移居及買海外樓講座,與坊間不同的有兩點:
主要介紹二手樓。同坊間大SELL一手樓唔同
介紹人為筆者收息101舊生。不少更提供收費行程,接待你去佢住緊既地方介紹你知。

 

葡萄牙、英國、希臘、日本都有講座。歡迎舊生提供更多國家接入點。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室