輸了錢我問,AGENT總說: 可以長放, 不用理會… #1864

諗SIR你好, 有些急事望你能襄助!,我需要一個專家幫我, 因為D agent 一心只想賺佣.意見不中肯.

 

上年開始睇你的BLOG, 已讀收息101及上星期的英國移民講

.

2017年我將 $200 萬, 分別買了2隻美國債基, 打算有高收息回報. 每月大約有12000幾利息.

我買︰

  1. Allianz Mortgage Income Portfolio
  2. Allianz Income & Growth

由於家庭支出不少,只能cash out 利息幫補,2018年中發現債基價格跌, $200 萬投資, 變成 $180 萬. 我問番AGENT, 他說長放, 不用理會… 

 

到今年,個市稍升但我仍未賺返,於是我今年4月主動要求AGENT轉另一隻, 佢同我講不妨用外幣買及轉股票派息基金,轉後發現派息好唔穩定。AGENT 又冇乜比意見我, 只係叫我睇定D 先.

 

直至上完諗SIR你的堂,方知比人玩弄了。由於下堂時很多同學都提出有用的提問,我不好意思問,現想請教你一下,點算?

 

ANSWER:

首先,筆者課上授之債基用全債之餘、波幅及派息穩定度都有數字計出總結,究竟同佣金賺取者比的意見有何分別? 相信不少同學上完收息101課再介紹朋友黎讀,足以證明。次之,就當比埋投資物個名你去買都沒用,本案讀者就是一例,當佢想搵AGENT去轉個陣,估計AGENT引佢買外幣版是想拎更多佣,而轉股票基金因為佢已開始輸錢,唯有利用更高波幅的股票基金把錢博一博:

 

博得到,個客平到手又更信你,可以你下一單生意

博唔到,錢只不過係個客輸,AGENT已錄起哂免責聲明,或者叫客網上做,錄都唔使,客已釘死。

 

讀者呢類蝕價型,或可選用美國國債為主的B餐,若有錢淨不妨加注買看淡美國股市之ETF,當然95%既錢投入債基收息,淨低5%少少錢沽空(看淡)美國市場就夠,只為加上自己可回本的可以。這個配置亦會是市越差越有淨的,因為美國股市唔好,沽空美國市及持有美國國債收息,兩者都可賺價。當然B餐本身成15%年息派,佢揸一年應令每月利息由12K再上升,抗跌能力很不錯。2019年至今個價不跌反升,因市場氣氛差造好美國國債。

 

Allianz Income & Growth呢隻基金筆者由18年10月尾已在專頁免費同大家講唔好揸(上圖),今次又見一位苦主了。不少人黎上堂前都比AGENT賣左呢隻,因為佢係唔使做槓桿,都可收近10%高息。那AGENT賣比你既唔使煩搞槓桿文件,客又有息口近10%,加上認講費比全債基金高,那不怪AGENT喜愛SELL。然而此基金持有之債券質素較差,這亦是佢唔槓都可派近10%之原因。下圖展至筆者上年10月說的話,三隻唔可以要的基金,此為其一。10月尾報8.72,而家跌到8.3水平。當然始終有一半債券成份,半年只跌掉5%。同埋一旦市大跌,你預佢會急跌。至於筆者的ABCDE餐,A、B升得最好由頭贏到尾,E餐近一季大升,C餐係唔得跌了些少(5%內)所以已轉了新C餐。

 

當然諗sir唔敢講提得出既都會升,我們亦不是股評人唔需要成日出post提你我上星期比隻乜乜股票賺了多少的。買債或樓就是穩定的態度,當你保證跌市時只輸些少仲有息收住,一旦跌轉升就好快可變贏。其實原理淺易不過,但坊間總有人愛跑捷徑,或自己唔儲錢但又想小本博大財,淨低就交比大家自己諗。

 

「唔得就轉下」這個概念其實是有心人灌輸客的偏頗想法,為什麼一定要轉? 而唔做好下個資金分佈呢? 又一定要成舊錢買入同一類型資產? 定係一次過SELL個客幾類資產,驚個客煩而唔買?

 

其實AGENT跌跌下叫你「睇定D」已唔算衰,比著想「殺雞取卵」一批,已叫你將錢泊入長年期保險,一筆過賺你高佣,往後就不相見了。筆者提出授予客觀理財資訊的途徑,就是想予大家多個選擇。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室