【莫家強】期權短評 – 我之前有提過既東亞銀行(0023)

當然,今日好多人會將焦點放喺大市既升幅。但其實,一啲之前已經表現得唔好,而今日個市升成咁都唔跟升既股票,都可以為我哋提供獲利機會。呢啲股票,只要他日市況轉差,股價就有機會再破底。

其中一隻,係我之前有提過既東亞銀行(0023)。呢一刻,恒生指數仍升超過300點,但隻股都仲要微跌,可以反映大戶對佢既前景有幾悲觀。

至於恒生指數,開市至今表現尚算對辦。最低限度,10點半企得穩,反映市底唔差,淡倉值博率不大。

但當然,比較升幅,依然仲係美股跑贏港股。

其中一隻值得留意既股票,就係早前公佈咗理想業績既Adobe。

之前節目提過,我自己好鍾意博一啲剛破頂,無蟹貨既股票。玩呢類股票有一個小技巧。

一般嚟講,啱啱破頂既股票,都仲會有少少「最後沽壓」。但如果連呢啲沽壓,隻股通常都會有較大既升幅。

S&P 500指數剛再破頂;Nasdaq差唔多又再破頂,短期美股可能會有啲波動。但只要能夠企穩再上,往後應會有幾大既升幅,值得留意。

利申:並未持有以上提及股票。

風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

 





 


本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室