撈藥房都唔好做銀行 #1855

數年前寫過「揸uber都唔好做銀行」,係時候出另一篇。

 

Hello Sir

你好, 剛上收息1011 (22 Jun) 並已向銀行查詢, 有數個問題想請教諗Sir:

1)      101堂上諗Sir示範了疊增了4次,其實債基疊增有何規則?有沒有次數限制?

2)      今天向銀行查詢諗Sir堂上提及的那一債基(疊增後有年10-12%息那隻), 銀行回覆沒有賣此債基; 反而他們提供了另外兩只債基

 

本人下載了2只基金資料並嘗試用阿Sir 教授的知識去了解這2只基金: 第1只Credit Quality 好像不差, AAA 32%, BBB 都有21.5%; Avg Credit Quality BBB+ , 未槓前平均 Yield 好像有5-6%;

另1只; 派息率大概8.7%; 標準差 (5) 6.92% 

 

本人閱讀債基資訊只屬初哥階段, 我也擔心看不清楚當中有什麼魔鬼細節”, 而且也不肯定此2產品是否可以做到  “疊增以增加收息效果? 是否應去多另一間銀行分行查詢?

 

answer:

首先講句公道話,係銀行做唔等同魔鬼,筆者都有唔少師兄仲係金魚缸入面,然而我同意係銀行做高層又要當好人,通常「命」唔長。近日如DD阿pat姐,就黎要走,到時佢手下成班sales會否屍變,劏客比新老闆睇,筆者真係唔知。講返讀者,佢係收息101學到隻債基然後依筆者方法到銀行問,職員答佢話無,筆者收到信後第二天就打去銀行問過,證實仍然有得賣。

 

收線後筆者心感難過,為何舊同業而家為做跑數,竟然將一隻正路到唔正路既基金,同客講無得賣呢? 就好似入藥房,佢同你講無幸福傷風素賣。為左令客死心,仲要話「從來無幸福傷風素呢樣野」….筆者認為事態嚴重。

 

招數亦同藥房相似,同你講無幸福傷風素,跟手就拎隻「幸運傷風素」出黎,銀行真淪落至此?  大家都明白,賣幸運傷風素藥房拆得多點,而家讀者一樣,轉賣另2只基金究竟有何企圖?

 

筆者同意呢2只基金本質唔係咁差,然而金融產品是無形,成份同藥比更是睇唔到,究竟魔鬼細節在那? 筆者認為是在高槓桿那處。留意銀行賣的基金每一隻都有唔同槓桿倍數,而大家都明唔係一味做最高槓桿有著數。那2只基金剛巧都是可一開四,而筆者課上對首次入場的學生只提出一開二點二左右。為何唔比藥力最強既野初學生!? 原因是初心者把槓桿如做盡,一旦做完市跌,盡槓者會好快收到CALL MARGIN,到時筆者唔知佢有否能耐應對。提提CALL MARGIN不是什麼世界未日,你懂掌握根本是機遇。如似讀者收息101學到那債基,2018年12月低位既未跌到CALL MARGIN,又比學生有加貨時機。

 

圖: 收息101的E餐過去半年表現

 

債比股票好投資在於,債在一起始訂立好投資組合,往後就收息少要打理,不像股票成日要轉轉轉。但相反有人要賺佣,就要你成日轉轉轉。貼文當日讀者應已修畢第二堂,應準確明白點去同銀行打交道,遇上一些亂黎的SALES不要嗌交,只要避走。

 

由於近日美金及港幣借貸息都升,第二季有銀行推出外幣交叉盤借貸服務,容許客人借低息幣如yen投資,那借貸成本會急降,令收息回報再大大增。其實交叉咁借筆者敢講大部份人都唔識處理,筆者只好說你投資經驗不足最好用返港幣/美金。筆者睇唔係你由港紙轉YEN咁簡單,而係你入左一局下ROUND就比人忽悠YEN轉AUD。YEN/AUD交叉盤,雖都叫大路但唔係很多人職,莫講其他,但咁就對魔鬼有利啦! 但明白到就當筆者唔提,肯定大把SALES會刮客出黎趁機一次賺哂轉基金佣同買外幣pips,所以筆者在往後課程增外幣交叉內容,及在103舊生區拍video更新外幣市場,幫大家做對決定。103舊生群暫只對一年內完成103課程之學生進入。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室