誤買債基慘被宰、交叉疊增要睇路 #1853

你好諗sir,

 

參加了收息101,希望你助我收拾殘局

我是一個新手快到50歲了。

我獲得了大學學位,但我結婚後長期沒工作,我沒孩子亦離婚了。

目前沒有工作或沒有其他收入。但我不需要照顧任何人。

我的每月支出約HK5000,不包括娛樂和旅行。

我有300萬港元的現金。今年初自行去銀行查問債基,游說下做了一隻基金,及一份保險,話債基派的息一般會供保險儲起佢。最後我做了買100萬再借出30萬,派息一般,未達10%之回報

 

近日債基派息減了,職員話因為債基升左,但我息減少了又如何供保險呢。我聽了諗sir課才知之前犯下大錯,希望救助。

 

希望能盡快收到您的回音

 

answer:

放100萬只借出30萬

債基一般抵押100萬可借120萬,這就是疊增之好處,其他銀行做唔到。而讀者放100萬只借出30萬,當然做唔到筆者提出之效果,即係該銀行做唔哂債基疊增派到高息之三個要求,又稱「斷腳」。從到堂學生告知,很多銀行銷售員及保險經紀都模仿本blog方法而引不知就裡的人投錢入佢地高佣陷井,其實打從2012年筆者寫blog開始,每隔一排都有人宣稱什麼「期權收20厘」又或「買大陸樓收10%」咁架啦,只好說答者提供之方法可計出、風險有說明,實行後1-2個月學生已可自行驗證,我們收費是為了告訴你低佣而又有效的理財方法。

 

mark入TU

另一點重要,是筆者明白有些銀行做債基方案後,借出金額要mark入TU,即當你有舉債要寫入信貸資料庫。至於有冇地方可借之餘又唔計入TU? 這只可面談。另外只做債基,你未必幫到銀行經理跑到條數,其實有些保險產品是有益的,不過佢地一般會借勢,叫客除債基外食埋份高佣既保險,平衡一下自己心理。

 

交叉疊息

還有一點筆者預先同大家披露,就是銀行未來一季將有抵押港紙或美金去借YEN,然後用YEN買債基之方法。當然想再屈客水既,又會叫客將借出的YEN匯返做港紙。筆者可以在銀行做好定價後,於收息堂告知學生,及如何於外匯睇位。不過現時筆者看到既,就係銀行職員將有更多位去讓客戶在不知情下交了費用,或做了些令人後悔之理財決定,如本案讀者一樣。筆者一向推崇簡單的投資方法,你見我唔會叫你用期權收息,更怕一旦你將錢換左YEN之後,又有人話YEN轉歐羅抵,然然同你講YEN/EUR交叉盤。客戶連YEN兌港銀都未必搞掂,行入YEN/EUR交叉只會死路一條。總之基金再加外幣交叉,筆者想到的是刀刀削個客肉之景象。當然YEN/EUR只係例子,AUD/NZD都可, AUD/YEN都可,大家要醒定。

 

只於讀者如保險如只供左2-3個月,CUT左佢當買個教訓吧,輸一萬幾千唔係好多。有些人將要找條大數,只不過而家太陽未落佢未知今晚幾凍。至於債基佢去錯了地方,只疊到30%,應該將基金射去可疊上疊之銀行,同時唔好再放完又買咁傻仔,你懂的~! 2008至今又11年,不少銀行從業員連2008一役都未經濟過,更不敢想像如果2003沙士般跌市再黎,佢地點同客做防風同救亡了。近日有兩件事令筆者億起2008一役,一是翻炒越南基金,二是獅子推佢2022公司債基金當出貨。越南股市規模細佢拎左你D錢買野再收回佣客人9成唔知、至於獅子一向出比retail既野就係private或盤房唔想要之垃圾或倉底貨。本文過後大市將踏入第三季,我們在收息103舊生群及收息101課上與眾學生一起應對。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室