【莫家強】美股有唔少股票仍然可以交到業績

有睇開我既美股節目就會知,我推介過既唔少美股,都未停過上升。淨係兩隻長期推介既藍籌股,Visa同Microsoft,仲係一直破頂。有興趣,可以留意返節目,由年初開始股價上升超過30%既股票,為數不少。

至於港股,上個星期仲係好似係威係勢,但今日再睇,升勢已經明顯減弱。

港股弱勢既原因,好簡單,就係業績跟唔上。之前一直都話,港股有反彈唔出奇,但要長線擺脫跌勢,持續上升,機會不大,原因就係業績。

同樣地,叫大家買美股既原因,亦係因為當地股市有唔少股票仍然可以交到業績。

好多人都擔心,話美股升咗好耐,驚估值已經好貴。但我想講,估值平貴,係要相對盈利前景去睇。換句話說,如果一間公司既盈利係可以一直上升,咁就可以支撐股價長期穩定上揚。長線業績夠好,隻股要升幾多,升幾耐,都得。

揀股,去到最後,其實就係要揀盈利可以長期增長,而管理層又有誠信既好公司。同時似合呢兩點既公司,喺港股市場內,都有,但為數唔多。但喺美股當中,仲有好多選擇。

風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

 

 

 






本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室