【莫家強】期權短評 – 成交太少,有一件事要注意

今早,港股大市成交只有370億元,少得可憐。

成交太少,有一件事要注意,就係升定跌都好,對中長線走勢,都無乜參考價值。

現時,港股既格局,叫買賣兩閒。無乜資金入市買好,但跌咗咁多,暫時又唔見有好多投資者追沽。呢個情況,可能會維持一段時間,直至中美貿易戰再有特別消息為止。

但中長線而言,港股,我認為仲未跌完。第一,係出於普遍香港股票既質素。第二,我諗大家唔會睇唔到,有唔少既有錢人同企業,正係離開緊香港。

不過短期市既走向,真係無得估。唔想估既,可以用高贏面,又有時間值賺既策略去玩,咁無論大市升又好,跌又好,都會賺到錢。過去呢段時間,用呢個玩法,效果唔錯。

最後,講下滬倫通。

滬倫通,簡單嚟講,就係上海同倫敦既事,唔關香港事。關香港事既滬港通、深港通,攪咗咁多年,從未見有任何成績。但假如滬倫通攪得起,對港交所會係幾大打擊。

當然,啲官員成日都掛喺口邊,話上海同香港唔存在競爭關係。但大家完全係做緊同樣既事,點會無競爭?呢樣嘢,我覺得絕對要睇實。

至於美股,真係好強。一啲好股票,可趁出現小調整時上車。

美國,仲有減息條件,即使經濟有放緩跡象,仍會有提振既能力。如買既,係有條件跑贏大市既股票,我相信未來半年既回報,仍會相當吸引。

風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。






本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室