【莫家強】期權短評 – 港股,唔敢講會有反彈

港股,唔敢講會有反彈,但似乎跌速已有跡象開始減慢。所以,今早我自己都減少咗港股淡倉。

始終由5月3日起,恒指跌幅已不止2000點,所以,見跌勢減慢,我認開始為淡倉食糊,都唔錯得去邊。

但問題係,有朋友問可否博反彈,我都唔係好夠膽叫佢咁做。

自從特朗普再出招既一刻起,好多大行都對整體中國企業既盈利預測打咗折扣。之前,恒指升到到29000點以上水平時,已經見資金唔係好肯再買港股。今後,即使港股能有反彈,要升破阻力既機會將更微。喺呢個情況下,上升空間絕對唔多,博唔博反彈,自己決定。

但美股,我會繼續睇好。

呢幾個月,我不斷同大家講,轉玩美股。事實上,上個月起,其實只係中港股市跌,美股好多股票,都仲係一直破緊頂。所以,我哋唔單止避過咗個跌市,過去一個月,仲有唔錯既進帳。

早前介紹過破頂既股票,我相信仲會繼續破頂。已經上咗車既朋友,坐穩就可以。情況有變再update大家。

風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問

 






本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室