買樓十大誤解(上) #1830

本人已收讀003及101課堂學生

現在想投資買樓!

在選區問題請啊sir指教下

我選擇600萬以下樓

想揾升值同收租好既

 

疊因庭、屯門市廣場600萬以下單位

 

元朗yoho新盤開放息290呎以下500萬內或者其他

 

旺角洋樓600內

 

長沙灣洋樓

 

港島西40年樓洋樓500萬內

 

荃灣

荃威花園、荃灣中心、荃景、富華中心

 

因為太多,本人第一次買樓!想啊sir比意見

係選區上,應選擇邊區!之後我選擇左既區域之!應該買先個屋苑或者洋樓啊!

 

我電話

潘607XXXXX

希望諗sir可以睇完比小小意見等我可以選定地區後就可以專注留見!

現在太亂有好野都唔知買不買好

謝謝

 

answer:

新手買樓入手大屋苑定單幢洋樓好?

ANS: 新樓請買大屋苑,因為易睇易上手。大屋苑樓間隔相同用料迎同管理公司相同,淨低座向同高低層就決定了應有之市價。然而洋樓,同區既洋樓用料可有很大分別,用料差自然易漏水易維修價難升。至於洋樓林立之油尖旺區,有些洋樓是商住分層、有些是全住宅的,治安分別頗大。這僅是買舊洋樓前要留意之其中少項,故初心者在大屋苑等低水盤出現比較好

 

是否非筍盤不買?

ANS: 新手如果要筍盤,你要有準備等半年或更長。經紀有筍盤確實少機會比初心用家,例如經紀喜做「串燒單」,即今次呢個盤收足佣而應承定下一次可以只收半佣,其實只係超市買第二件七折之原理,不過新樓資金少亦只買得一間,經紀有筍在手當然會用黎引2-3單生意,新手要筍一定要縮窄睇樓範圍,例如只睇第一城的2-3個開則、二要勤力睇樓、三是反應快。筍盤真係過唔到夜,你見個開價已到筍位就要勇敢開票。

 

我想要:「升值同收租好既樓」

ANS: 這句是廢話,等於話比經紀知你無準備。話說你想睇第一城,你可以入經紀行同佢講「你想睇第一城三房,688個隻」。下一句你可以問下「而家有幾多個租盤同賣盤做緊」,看看當地市場深度,一旦入手能否隨時出貨。再問就問下「個盤點拎返黎咁叻?」睇下你的經紀同業主的關係如何。經紀如熟業主出沒地點,送訂真可快人一點,就差半個鐘真係幫你同價搶到目標到手。或者關係好自然可同業主做「串燒交易」,咁講法你開價比人平些少都有機照賣比你!

 

選區要重稀有性及看供應

ANS: 供應最重三區: 九龍城(啟德)、元朗、西貢(即將軍澳)。無咩事就避開佢

稀有性留意: 九龍城為A類細單位供應數目之首,故買一房或studio在該區「前途暗淡」。元朗很多村屋、鐵皮屋,當時就當劏房都唔好做,何況細單位? 至於香港欠是三房。當然如你預算只600萬,三房除了去大西北否則不可以。故屯門大兩房、或馬鐵線一些2000-2010落成之樓房、或有budget就去九龍或奧運留意2-3房,都可考慮。

 

(約)2000-2010落成樓房之特別: 有唔錯會所、有大窗戶易透光又冇工作陽台,既慳了錢唔使買無謂空間而管理費亦不會因過份奢華會所而變貴。

 

按揭做唔做到唔係問銀行或經紀

ANS: 不少人落訂之前話去問銀行,是否上到會才落訂。其實銀行一日未出offer letter,都未叫肯定有loan批比你。留意人如超45歲做唔足30年表揭、樓如超40做唔足30年按揭、而一個月入20000的人如冇街數可借259萬,如此類推。諗清楚先落訂,好多人都係諗唔清楚比經紀水左簽野俾票,最尾無左首期。當然你想查詢可找買樓易按揭轉介,whatsapp 96991141

 








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室