如何脫離公司榨壓? #1807

諗sir你好,

本人係你101 &103學生,因要處理兩老資產,不容有失,需要指教

本人自己開公司,月入3-4萬

舊年買左新樓,600萬6成按,年尾收樓,預計收租14-15k (自知買新樓on居左,惟當時未認識你,米已成炊)因買得突然,冇做好準備,個人已借爆,並要老公gaurantee.

現租住2房,20k

 

老公-都係自己公司,月薪3萬,公司hold一間連約工廈,已paid off, 將來可出租或自用

 

細佬及弟婦,冇樓,租緊樓,等抽居屋中,家庭收入約4-5萬,細佬自僱,弟婦打工

 

兩老自住一層47年樓舊樓,因爸爸身體漸差,要行一層樓梯上大堂有困難,故打算換樓。自住樓市值約450萬,換樓budget 580萬

 

因本人已有樓,可否用媽媽名買細佬gaurantee而又不影響他將來置業?

如比4成首期, 餘數用150萬買債基收15厘息以作供樓用,即450-232-150,最後60萬左右用作買樓支出及裝修,這樣可行嗎?邊隻債基組合較合適?

 

謝謝你!

 

answer:

讀者諗住幫老豆換樓,賣樓套450萬再打算。無論對老豆對腳又或者將來投資利益,換走47年舊樓實為正確。50年樓大約只能做廿年按揭,變相買呢間樓收租既人因按揭月供金額高了而少了實收利益(即現金流),故如舊樓不諗改間格最好揸到40年就「拜拜」。除了賣老豆樓套450萬外,舉家從商是讀者另一機會。交多些少稅或做點供款,讀者人工可提供而擠升能向銀行借到之金額。借到錢自有更多資產,又可管有更多租客,周而復始,租金同資產都能累積。

 

擁有土地從來都是王者,只不過政府淡化了此認知,因為「擁有土地」與「城市建設」,很大機會相亙排斥。說回歐洲中世紀,擁有土地的叫領主,領主擁有土地及吩咐其奴僕去種田或織布,領主不會因擁有更多奴僕而辛勞,相反奴僕要將佢自己個人、及兒女都出賣比領主。在此有階級及封建制度下領主及奴僕各有其角色,奴僕當然上流機會近乎零。而大家打機成日遇到既「騎士」,忠於教廷,不得占有財產、侍奉於貴族或大的領主。

 

由於土地權在領主,所以奴僕為了生存不能離開領主因其生存依賴耕種。但有批唔識種田但有技藝的奴僕,最終因待遇不公而選擇出逃,其中有些聚集而成立「城市」。「市民」的稱呼在當時才出現。出逃之奴僕靠手工如整碗整劍維生,由於奴僕之間平等而賺到既收益可自己落袋,慢慢城市模式漸受歡迎,奴僕紛紛棄主而成為「市民」。由於城市為交易集散地、所以亦屬現代金融之先驅者。最後城市搵得多錢,有錢徵兵、納稅比皇帝仲多過領主,你都估到最後點解領主收哂皮~

 

返黎香港,愚民政府必先令管治版圖越「封建」越好! 土地集中在一小撮「現代領主」就好去攪小圈子管理。相反作為一個現代農奴你如何脫離領主榨壓? 一係有創業攪生意,仲要攪到成行成市,即係你要有winner-circle咁行呀。二是你有地,做返小領主再慢慢做大。歐洲中世紀不時以物易物,證明冇錢冇所謂,土地比錢更是終極的資產。當然社會多人行小領主條路,由於創發不足數百年後仍會崩壞。不過攪生意七分努力三分運氣,歐洲都攪了成千年,才撞到個組合攪得成個「城市」,而「城市」模式靠什麼運作,現今政府絕不會告訴你。你問下你個仔讀咁耐歷史,有冇討論過唔要城市唔要交稅得唔得? 大家不需買樓還需買,因為我們的皇帝,今時仍很有實力,隨時你死佢都未死。你要係呢個系統良好存活,就需知道系統之外沒告訴你的事。

 

正因我們的大領主用盡方法唔比我地買樓,你偏要買! 反而大領主叫你買的年金,筆者敢講你買完必在將來後悔。如果你「買左間樓」十幾年後先可以收租,仲要永遠唔比加租,又冇公開市場同你接貨,你買黎做乜7? 你真係好驚收唔到租而想要年金之保證收入? 你試下買間太古城或者淘大,恐怕上個租客未搬走已比下家租左!

 

同意讀者套450萬之後必需保回一樓比老豆住,然後利用買樓003借貸力由無變有之法,將自己同細佬人工變大點,自可部署日後再買第3-4間樓。基本上讀者新買樓轉回自住,工廈加按至5成又收下錢諗下點收住息去等再買樓機會,同埋日後老人家百年後留返半間屋比讀者,讀者穩打穩紮4間樓無問題。至於債基買150萬既單用B餐已夠,15%息可預期而B餐年波幅只10%之內。此等投資政府唔會介紹,借錢投資亦被有些人描述成「洪水猛獸」。然而政府叫你去買MPF,只肥了一小撮人。政府標榜「慳稅」叫你去買野,然而你打從心底幢都明白: 勁既人唔係要慳,係要賺! 當然未攪好「慳」切勿眼高手低太快諗「賺」。同時有控制的槓桿,是小市民脫離「領主」之路,係時候學好如何計算及用好槓桿。至於股票市場只係一班「中型領主」去呃走大部份奴僕的錢,令佢地終生為奴的工具。正在打工的你,你認為不是嗎?








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室