【莫家強】期權短評 – 調高「先天性贏面」

噚晚上堂,其中一個我想帶出既重點係,如果你可以將每一個投資決定既「先天性贏面」調高,去到8成,甚至9成以上,咁你做買賣果陣,把握就會大好多。

例如,恒指現價大概為29500點。

如果我問,兩個月後,到5月尾結算,恒指能否企高於現水平?我諗大家都未必會答得太過肯定。

原因係,我哋都明白,實在有太多因素會令結果改變。一個消息出現,已經可以令答案變得完全唔同。

但如果我問,到5月尾結算,恒指會否高於26600點?即係跌都無問題,只要跌多過2900點就得。今次既答案,就會肯定好多。

而且,我哋亦都好容易就可分清楚,有邊啲因素先夠「力量」令恒指跌穿26600點,而有邊啲因素係唔夠力,變相會令我哋更加清楚要觀察既重點。

將策略既贏面調高,會令我哋賺錢變得更有把握。

大市升勢今日有少許放緩,但只要未來兩三日市況仍能企穩,適當時間我就會再加注好倉,到時再update 大家。

風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。






本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室