冇股票冇物業冇父幹輸完BTC，廿萬身家點L搞? #1789

諗Sir,

拜讀過「小本收息王」、「錢搵錢」、「樓換樓」，現正修讀 101 收息班，想請教如手上只有20萬現金和一間有盈利能力的公司，想短期增加現金流，中期置業，有冇好方法呢? 債基20萬可否入場 (上堂未提及)? 有冇方法利用公司盤數貸款 (已有3年審計報告)，入場債券或嬰債呢? 相對債基，更偏好有「到時日」和「固定派息」的債券。

 

本人30歲，未婚，與家人同住公屋，開設一間只有自己一位僱員的有限公司，小生意已營運3年半，每月公司戶口以銀行自動轉帳出糧 $25K 固定薪金至個人戶口，有供強積金和報稅。2016/17年 800K營業額，扣除成本和開支後無盈利；2017/18年 公司營業額約1.5M，扣除所有成本包括自己固定薪金後，公司全年純利 250K；2018/19年 營業額和純利與去年相若。

 

財務狀況如下：

 

資產：20萬現金

冇股票

冇基金

冇香港物業

冇父幹

 

平均每月開支：$25,000

包括：

家用 (每月$8,000)

一份保單 (每月$1,000，已計入公司開支)

個人開支 (每月$3,000，其他開支已計入公司)

30萬私人貸款，分60期 (每月還 $6,450, 仲有36期要還)

150萬內地樓，按揭100萬  (每月還 $6,000，仲有28年要還，期望2年後沽出賺價，作為香港置業首期)

 

平均每月儲蓄：$20,000

 

之前炒BTC 輸了十萬，所以現在堅信穩陣才是長遠之道，還望諗Sir 指點迷津，謝謝！

阿雲

 

ANSWER:

英國前首相，戴卓爾夫人有名言如下:

 

注意你的思想,它們會變為言語。注意你的言語,它們會變為行動。注意你的行動,它們會變為習慣。

注意你的習慣,它們會變為性格。注意你的性格,它們會變為命運。

 

更準確講，上述由戴卓爾老豆教佢既! 雖Thatcher晚景有錢但無仔女陪，然而佢積極將英國國企「摺埋」，鼓勵將部門私有化提供競爭力，其魄力值得學習! 這番話絕對值得讀者及大家深思。好似讀者得出炒BTC輸左半份身家既結果，估計佢抱有不勞而獲的想法、加上對自己過份自信。誠然不勞而獲此事實有發生，不過輪都唔輪到冇權又冇資本者。年青人在30歲前受到教訓，只要深刻檢討往後命運絕可改寫! 大家每當遇到困難時，謹記此為你一言一行(或者一個黑面)早早種落的果。

 

筆者一定會在本文講講讀者有乜好去理財，然而最能改變讀者一生仍是做好其正業，唔係投資，正業好人工高除了能增加借貸力買樓，更是人生最大槓桿。如果閣下只想一心炒爆發大達，恕筆者無能教你亦唔想認識，還請關上本視窗離開。筆者想閣下改善生活就要勸你做好正業，想篇文爆就梗係多講理財套路。衡量過後，仍要先勸你把個人執行力提高，將自己的口管好，將每天時間用盡。日積月累再加上耐性，五至十年後你會看到更高更美之景色。

 

樓根本唔適合用黎賺價，樓特別在能予你高槓桿(8成，借2%，30年攤)，但升幅是廿年才可十倍，比起股票可慢了。股票爆升個下好吸引，但長揸就太天真了。正因為股票有賺快錢概念，有資本者會買殼做莊，有一時間食盡千百「水魚」之便。參考此道理，讀者用槓桿拎大本買大陸樓就是錯。理財首要問題應問自己資產配置應如何? 例如幾錢想博幾錢唔想博? 絕不是大部份SALES引你想諗既:「呢排投資有乜好買?」讀者現金少，仲要反轉借P-LOAN去差出現金，此情下不宜將大部份錢壓在資金難調出的內地樓。香港成功其一有賴內地人經港走資，然而讀者反其道而行竟同誠哥玩對家，注資內地!?

 

看好內地經濟?或樓市? 可買入下方ETF，在收息104已授。2019年初至今價格已升40%，唔係WARRANT唔會被打耙。咁既好野輪商唔會提。

讀者有公司戶及25K月入，計借貸力有兩條路選:

1. 將公司年收入之15%作為個人收入

公司年收入800K，即年12萬，為月月一萬收入

2. 將能被核實的收入作借貸力

讀者收入如文件齊可達25K，借貸力為25000/10000*50%*2.59 = 323萬。比較下讀者用核實25K收入作證明去借錢較好，唔好用公司盤數。

 

留意讀者借左30萬P-LOAN月供6K，借貸力會被削50%。所以P-LOAN一日唔清，讀者一日借貸力會被削半只323萬/2 =約160萬。

 

未來10年香港仍有內地學生及人員湧入，讀者宜把握佢熟悉香港此還有之優勢，做好自己份收入證明再買樓分租比內地人仕或單身女，加上學好網上買賣令本業收入提高，改善人生，條數係咁計:

1. 利用買樓003借貸力由無變有之法，部署好自己月入至50K
2. P-LOAN諗辦法靠賣內地樓清左佢，令自己有能力係香港買樓
3. 利用自己在港仍未置業可九成上會之便，物色450萬左右的大兩房，可以入手拆五間房分房比女生
4. 二房住五個人之因: 廳兩個、原本兩房兩個，廚一個。由於部份客路不需用磚間房都肯住加上可share廁所用，所以每房收5-6k一間屋收租25k-30k
5. 供樓只14K左右，亦表示讀者每間分租樓為讀者提供+16K之正現金流。
6. 如有兄弟姊妹或父母未買樓，可用佢地單名買樓，重覆做到2-3間，生活已開始改變，到時再問下步吧
7. 分租樓應選何等地方及類型去買，加上客源提供，都在買樓003有講
8. 提及此法因為讀者為自由工作者，更有空閒管理租務。當然全職者可比些小費叫人幫手打理

 

做好自己業務及儲房收租，此為堅實能脫貧的方法。樓是讀者及租約都寫讀者名的，絕不為「昆」你舊錢而搞什麼挖礦合約或虛擬貨幣炒賣門路。

 

**諗Sir收息101課程　即付即可網上學習第一至六堂**

※只接受修畢「收息101」的學員報名，本課程不對外開放！※

**諗Sir【買樓收租課程】**

．當閣下付費報名上課或參與本網站的免費書展/免費文章/免費或收費講座/付費專欄等即等同明白本網站/公司的【收生條款及條件】【私隱政策/個人資料收集聲明】【一般免責聲明】【課堂規則】
．報名【免費講座】請即填寫【免費講座報名表格】
． 缺席課程的學員，可 【申請補課 】( 免費課程除外)，一律安排於下一期上課
． 此外本網站/本公司/旗下導師及行政人員均有權拒絕【任何可疑之人仕】參與任何講座/書展/收費課程/收費專欄及進入本網站/本公司擧辦活動之任何場地而事前不作另行通知
．颱風│黑雨安排載於【收生條款及條件】第17項–

---

---

L1:網上學習(影片8月5日後放出網上修讀)

L2:網上學習(影片8月5日後放出網上修讀)

L3: 2020年9月12日(六)14.00-16.30

費用: $3330