為何投資有法仍要收費教投資? #1778

經常都有人問為何投資有心法仍要開創學校收費教書? 咁講得既可能對投資定義或需再去理解。根據Harry Markowitz(90年Nobel Prize得主),投資組合之風險可線性按比率相加,而如何為自己設立一個最optimal的的投資組合?

 

 

先講打工、買股票、做生意,以至談婚論嫁,現今社會難免都被類化為一項投資。由於本文涉獵太廣,我們不集中討論談婚論嫁能否應用在投資學說上之risk/return model。先集中講為何投資老師要把教投資作為佢搵錢組合中的一種。

 

  • 投資股票是風險高, 但回報大,假設是400個風險點買50個回報單位

 

  • 如一盤生意已上軌道,投資一般生意是風險低,有了網購後屬低資本入場門檻。但回報不錯。做生意可靠股東意願去提高言報效果,但遇上經濟衰退可以很無力。先假設是27個風險點買9個回報單位

 

  • 買債/買樓是風險更低,但回報都低,更有資本入場門檻。假設是20個風險點買5個回報單位

 

  • 打工風險又係低,低回報超低,做到死咁濟! 但留意打工可靠自己努力去改回報比率。先假設入職點是10個風險點買1個回報單位

 

  • 買儲蓄保險風險很低,但回報極低,假設是20個風險點買2個回報單位

 

  • 買股票潛在回報很高,但有可能短時間買50個回報單位,故不少人欲抄捷徑睇住個50個回報單位去做。其中不少人認為自己比他人聰明,少人做到的事,佢話佢得。我只好說連誠哥都好少讚自己聰明。至於稱自己為神又或者經常為後市作出預言者,筆者觀望緊佢地能否成為誠哥接班人。

 

上述買保險、做生意買樓、股票、債券等行為,筆者同不少人一樣,都做過。

 

那? 投資老師是否只能在股票? 生意? 債? 打工? 當中選擇其一? 當然唔係。什麼「既然你股票勁?」何不用錢投入股市碌幾碌? 一百萬變四億?

 

因作為人,更合理之選擇是:

20%時間去買股票付400個風險點去買50個回報單位

50%時間去做生意,27個風險點買9個回報單位

30%時間去買債/買樓,20個風險點買5個回報單位

加權後此人可用80+13.5+6 = 99.5個風險去買64個預期回報。比全職投資,月月用成400個風險,只能買50個單位回報好。當然投資老師就有方法,如可將比率降至250個風險點去買50個回報單位,將此教比學生。這就是投資老師的工作。但老師亦唔可以癲到教授你「用打工仔的低風險(10單位),可賺50單位回報」。希望透過本篇文章,大家可多理解投資老師怎能幫助你。

 

 

就當股壇狙擊手大劉…呢D思想咁清晰咁快轉數既人,當年都冇選擇炒股搵快錢( 一百萬變四億),而係靠狙擊成間上市公司自己揸莊(起碼半邊莊)去大賺。更何況炒股炒到發達,不見得能在歷史留名,被尊重。反而寫出投資巨著而最尾自殺身亡的就有.. 至於錢能否買到快樂? 就有機會再討論啦。

 

先講投資老師只能將投資勝算提高是贏多輸少,但冇人能100%贏。

 

最唏噓是大部份人選擇打工搵錢,太多人更想唔付出地穩贏更好! 最尾做到死咁滯加受氣去換雞碎咁少人工(當然世上係有筍工的,你能否長坐呢個位係另一件事!)。故只想付出低風險,沒不確定性之玩法,只能用10個低風險點去買個1單位回報。當然而家有裝上創業,其實打住工去做生意有可能! 不過如果你係警察、消務員呢d咁重要既專員,你當筆者無講過…

 

 

又或你認為: 講到做生意咁好,諗sir你又何不教做生意呢? 只好說本人教你做生意賺一千幾百萬可以,但對比一眾Uncle本人只係小角色,分享下勉強可但不敢說教。另外由零開始去學不同之Skill set,快則3年長可10年,成功率又唔係100%,講到呢度相信又冇咩人去做啦,諗諗下都係炒股賺快錢好係咪!? 做生意要成功之法其實三聯書局成堆書有講,你咪浪費時間搵筆者啦。 但香港睇書既人少,睇完會落實持續做既人少,咁你都明筆者想講乜啦。

*全3集兄弟幫請到myTVsuper網上登記後看重溫(年三十、初一、二共3集)

 

最後亦最重要的,就是用心及落力做生意或打工者,其人生豐盛度絕比對著電腦炒股既人好。一路上有競爭者陪伴,每天都可逼自己進步。人天生就是愛安穩,但長時間安穩不表示能原地踏步,而是逐漸被人趕過。筆者都已在早前J2 兄弟幫節目訪問,同阿bob講左為何識投資仍要做生意。最起碼,你有自己盤生意,根本就唔使諗退休問題,亦唔會有Blue Monday。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室