九龍塘讀書、要係九龍塘買樓!? #1777

你好,想請諗sir幫忙拆解一下我嘅投資方向:

本人48歲男性已婚,太太家庭主婦,有一個五歲及一個七歲(讀特殊學校)在九龍塘讀書。

  1. 自己做生意,每月資糧五萬元
  2. 沒有任何物業
  3. 租住租金$24,000
  4. 現金8,500,000

每月總支出$45,000元

想在九龍塘買一個800尺實用單位自住,請問可以點樣部署?

謝謝

 

ANSWER:

850萬現金睇落好多,但其實香港不少打工仔將層樓沽左計埋積蓄都勉強夠此數。因此,讀者冒咁大風險去搞生意,到48歲計數同打工仔無異,大家深究係邊出事? 無錯,又係樓,或者咁講,自08年美國加快印銀紙之後資產價大漲,係唔搭呢程車,努力做野10年都無用。香港的教育從不質疑政府的發鈔權是否用得好,總之大家努力返工交稅就是! 然而你只要稍讀歷史加上利用批判思考,即明白愚民同窮人佔大多數,現時財富跟過往朝代一樣,每逄一個朝代終結,貨幣必先濫發至眾人對政府信心盡失,繼而造反。國民政府既金圓券、清朝因賠款而造成國內通賬,世代就是一個循環,而循環源於人的慾望、再膨漲、再愚民造成無謂戰爭、及後爆破。看清大地圖,你就知未來幾年自己應往何處。

 

津巴布韋(2007年3月-2008年11月),日通脹率98%,物價翻倍只需25小時。下圖為一張酒店賬單顯示顧客花了12億。

留意資產不一定是住宅,可以是廣身告版的權利,可以是車位,可以是一個特許權。然而要判別那種資產價格會膨漲,一是要自己參與該市場時常留意,好似筆者早年在銀行有位客人時常準確出入紡織股,因為佢係該行director。二是透過人話比你知,但你都明白世上人人都想搵下錢,真係有人會賺夠,想比機會你賺下咩? 所以坊間的投資有半機會是陷井,或只屬次等貨色。相比下,筆者常提出買債,就算最貨真價實了。

例如一條渣打銀行發的直債,派7%,現價比$104更平,15年內都唔會call,有到期日,到期比番本你,渣打執左就可以會total loss,或賣哂渣打資產清盤去賠比你。此為債券亦叫直債,如你無時間去投資,買債收息比較容易。買直債20萬美金起錶。

 

如唔想出咁多錢,買債基,筆者收息課上提的一般做得有水準,及學生買得又平又快。債基不保本,但由於只係用基金形式買了一大堆直債再月月派息,故波幅亦不高,少本者可由此入手。唔槓桿派5-10%年息,槓埋由12-46%年息都可。當然初心者想一起手就46%一年,有點冒險吧。建議由收住10-15%一年試下個波幅,再接受到先再上。

 

最尾是保險,可以又保本又少本金(低入場門檻),詳見上星期一筆者文章: 「3年68%回報計劃 惡鬥 5年升72% plan?」

https://homebloggerhk.com/91042/

然而此等保險融資比較複雜,要學要花些心機。留意唔學就咁靠人買好易會比多左收費同埋捱高息中間又收唔到手。學野唔係學個plan,要學原理。咁對家就冇咁易濫收費。相信比左咁多例子,讀者呢850萬有著落啦。至於樓要買一間,但你想住既地方可以租,自己買的就要有升值潛力,點選樓房見筆者課程。

 

筆者當然都未賺夠,但筆者賺錢係為盤生意,為香港媒體創立一種新營運模式去令業界可「重新上路」。你比左我公司賺既錢唔會拎去做善事或派飯,但會請人,會培訓一批肯做既年輕人。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室