怒供三年稅貸令餘生可月收6千3好無? #1748

你好諗sir

 

之前寫過email 問過諗sir

 

34歲45K月入,太太31歲

上年因住屋需要,買左3房已補價居屋自住

用了絕大部分cash,而做唔到之前上堂學到的債基

現在saving 回升到1m

 

現想借稅貸54萬,分3年還,月平息0.1-0.16%去做第一注投入income fund 3x14%年息左右

如月平息0.16%,稅貸每月還15864

income fund 每月收到6339左右

 

每月另用人工1萬還loan, 3年後收成些會生6339的資產,繼續存放

另外,1mmortgage link收返按揭利息,等時機入第二注fund

 

請給小弟一點意見或幫忙指出漏洞

另外,現持物業有什麼可以優化?

 

物業1 自住 H+1.3, Cap 2.15, 30years, 32樓齡

我單名持有 (2018年頭已轉按)

入手 2.88 M
現價 4.6 M
貸款 2.65 M
月供 10 K
收租 13 K

 

 

物業2 自住
1st year: 1.68

2nd Year: H+1.3, Cap 2.15, 30 years, 29樓齡

太太單名2108年購入

入手 6.6 M
現價 6.4 M
貸款 3.59 M
月供 14.7 K

求進步的屋村仔上

 

answer:

上次屋村仔問案是17年8月,當時筆者用「股票長揸死L緊、港交所無300蚊」為題答讀者

http://homebloggerhk.com/81068/

今時已2019年1月尾,睇返港交所在17年8月後所創高價,day-high試過$306,但收市口價最高只$297。唉,筆者越唔想講股票,越是開口中。由2012年回應讀者問題至今,見證不少讀者與本blog一齊成長,有好似讀者咁由初初無樓「吊吊fing」至而家兩樓在手,亦有用債基賺左300萬的全準全職媽媽,又有住在離島而行動不便的人仕利用收息過更好生活,希望本blog唔派股票number唔賣野、只予務實方法及客觀比較投資物之做法,能令我們在時光沖刷後留下來。

 

誠然要敵得過時間,筆者亦不能一成不變。在上星期已談過新的「3年68%回報的保險」,另外亦開始了短問答形式的「諗sir你問我答」節目。更在99台viu及82台J2做了節目,擔任恆常嘉賓,在私心而言筆者希望自己公司股份比港交所更值錢,在惠及公眾之層面希望港人明白理財唔係要比agent老點。

 

講返讀者,佢係97年由大陸黎既新移民,現在港有生意有請人,有份為香港發展出分力。惟好景不常在,都要諗下有何被動收入之法。買樓佢已做左,有兩層,雖然細,但起碼開啟了用通賬去磨死債務令自己老來有樓的梗式。17年8月至今又儲左100萬,上次讀者問:「股票市場將近28000點,如重複15年大時代後的跌市,債基會否同樣好傷?」筆者展示了派25%一年的A餐之波幅為年10%,相比中國銀行在2015年由$5.4跌到$2.84的情景,波幅少可較長放。如更不放心可用B或E餐收10-18%而享更低波幅。下圖見A餐雖派25%,但一年間價格比2018年1月當時恆指高位,雖18年7月下跌過但最尾升得返,重返18年初水平。

然而港交所、或中銀3988,能否返回18年水初當恆指33000時的水平呢? 至1月15日港交所已由$300>$230,中銀$4.9>$3.3,都唔好提什麼教育汽車零售了。所以你認為股票應買黎收息長放的,是那方人想向你灌溉的錯概念? 股票之始,源於荷蘭人想夾份包艘船去他國探險,搵到寶就大家分,大家勿忘物質之本體。本blog論述,年年過去回首一看,道理仍存。

 

至於讀者想用稅貸去借54萬,放入債基收息6300,怒供17K供斷稅貸後,就等於有個仔月月交6300家用比自己了…這想法是可以的,但只適用於呢3年都唔會買樓既人。因稅貸、私貸,舉債後都很傷借貸力。早年有人叫借P-LOAN買日本樓,筆者除指出日本下個地震淹城的其一熱門是東京外,更指出為間日本樓去令自己在港借貸力全失很不值,勸大家三思。如今日常掛口日本樓好好賺既blogger都消失了,幣少亦都未能抽空派錢去打救下諗sir此輩。證明「時間」: 係驗證真假及好壞的最佳銀針。

 

若讀者不打算幾年內買樓,及明白買美國國債為主的債基,比買美國公司債的債基於2019年為好後,可舉稅貸去為日後「月月6千3」籌謀。此看法亦很建基於讀者本身有100萬現金係mortgage link戶口打底。若閣下身無現金或很少,請勿借貸投資。本案讀者於過去數年理財理上得前進,在於佢有儲蓄之紀律及認真看待理財此事(你看看佢發問的個案有多詳細?)








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室