行政長官，你仍想呢個讀者留係香港嗎? #1649

你好諗sir, 本人和太太一同上收息101/TEDV55。多謝你堂上精彩詳細的分享，令我們對收息操作了解更清楚。

 

我家兩公婆，學歷及收入算可以，工作很忙碌，希望給兩個仔女更理想的環境成長。我倆慶幸當年未結婚已分開買樓，婚後生活總算過得去，加上大家工作也有不錯的升遷。現想用現有資產增加被動收入，及早完成一生多宅未來生活多點保障，還請諗sir抽空賜教。

 

本人39歲, 企業銷售，年收入基本底薪$700k，另有BONUS，過往幾年一般年薪都會過$1M。

太太39歲, 合約公務員，年收入基本薪金$740k，跟政府公務員每年加薪。

 

資產:

1) 太太單名持有九龍大型屋苑三房海景單位，2011年買，每月收租$25k，打算加租至市價$28k。市值$13M，按揭欠$5.8M，月供$21k左右。

2) 本人舊年2017年單名買西環兩房30年樓，每月收租$15k。買時$5.6M，現估值約$6.8M，按揭欠$4.3M，月供$16k左右。

3) 太太以公民身分持有澳洲CBD APARTMENT一房單位，2015年買，每月收租約澳紙$1.5k左右，市值澳紙$330k，按揭欠澳紙$45k左右，今年加長按揭慢慢每月還當地銀行澳紙大約$150，希望加快提高現金水平，以方便投資其他當地投資工具。

4) 新加坡2隻REITS，今年2018年買，港紙約$80k左右，年收6-7厘息左右。

5) 現金$2.3M左右，大部分放係MortgageLink戶口，月收2厘幾息左右。

6) 本人保險(人壽，危疾，意外)，一份共左10年左右，年供$11k，現值$50k左右。另一份共左2年，年共$50k。太太保險(人壽，危疾，意外)，一份共左5年左右，年供$20k左右。

7) 本人MPF戶口大約有$630k，太太MPF戶口大約有$320k。

 

家庭支出:

每月$100k左右 (雙方家長家用, 租樓, 保險, 交稅，日常洗費, 兩個小朋友幼稚園讀書，工人姐姐，其他…)，無養車。

 

用兩人之基本薪金計借貸力為 $120,000/ 10000 x 2.59 x 50% = $15.54M，現已用$10M左右, 即65%。如以有BONUS收租計，借貸力為 $170,000/ 10000 x 2.59 x 50% = 大約$22M。

 

問1)      就本人的資產組合而言, 我家想提升被動收入，有什麼需要改善的地方? 買債基還是有其他提議?

 

問2)      未來幾年，我們好大機會全家番澳洲生活，打算仍以樓為主要的投資工具，應如何部處? 放售香港其中一間屋，以作資本在澳洲買投資房? 我兩公婆在澳洲仍會打工或跟朋友做超市生意。

 

感謝諗SIR的指點。LL

 

ANSWER:

建議讀者今年賣老婆間樓，及考慮在澳洲住而唔好投資。澳洲出名利息相對較高而經濟活動稍慢，買當地樓收租要付高利息成本去HOLD息而泡動性唔夠好。當然投資澳洲樓唔係話差，不過相對上係爭一點。明白讀者眾多資產可惜件件現金流只低效率產出，如:

老婆香港樓壓死: 1300-580 = 720萬

月收正現金流: 25000-21000 = 4000

現金流產出效率為 = 48000/720萬 = 0.6%

 

澳洲樓壓死: 330000-45000 = 285000澳元(即約162萬港幣)

月收正現金流: 1500-150 = 1350澳元(7700港幣), 效率 = 5.7%

 

兩年前買的西環樓暫時供租約打平，不用急處理。新加坡REITs有6%年息不錯，可惜到海外證券系統買令人不敢投資百萬金錢，信心呢樣野唔係話間公司市值高就冇問題，毛記葵涌(電視)市值都曾經高過，現在如何? 同一道理，生意唔係話就做就，讀者在參與海外超市生意前宜先留一手。

 

讀者呢「手」牌應今日準備，誠然覺得香港是鬼地方的人在過去幾年急增，有能力既人少說話用腳步做事，筆者亦覺讀者計劃移居合情合理。依香港的移民制度及本地青年的取態，2027年香港已實質上回歸，本土的香港人將滅，或將似客家人咁樣，流落南洋中國各地，只會返屋企才偶爾講講客家話。衰敗之象由廿年前已起，當今時一眾港爸港媽都係由菲傭湊大，佢地教既仔女係咪因為咁而習慣將手指先指向人? 加上社會風氣鼓吹不諒解同把黑白永要辨過明，一方面要將人歸納兩批嘈過不停去谷POST REACH，另一方面將FACEBOOK變成慰藉場，一堆「為何我做不到」帖就最受歡迎，真令筆者感香港老氣氛已不復見，實找不出理由出口去阻班有能力既人離開香港。

讀者應將1300萬樓賣走套回720萬，將其中120萬作首期買600萬樓收租，租淨估計有15/16K一個月，月供480/259 ~ 18500/月。雖此動作會出負現金流(16K VS -18K供樓)，惟用淨600萬加上讀者200萬現金，可為幾年後轉戰澳洲做好部署。800萬可心中預最盡用300萬買債基，今次選一隻美國國債成份高的債基B餐，年派16-20%/年，究竟16%定20%視乎疊增做到咩程度。2018年美國國債價格看好，美金兌歐元或人民幣都看好，大家有冇留意前排一眾報章把10年期美國債孽息達3%形客為警戒線之報導，至今2018年八月已消失了近一季? 再次說明，加息或國債孳息率升都不可怕，筆者已早早在NOW TV講了幾次，下圖展示本人在2018年4月23日在NOW TV的訪問，當日節目題為「債息殺上三厘唔使驚」，已附埋LINK重溫。本人淺見是「國債孳息殺落2厘更要驚!」，即係而家有跡象見到既事。當然金融危機再臨說不定老美會停加息或減去谷起個市了，所以淡淡永遠不要太淡，過埋11月8再講未遲。

https://www.youtube.com/watch?v=UX-i5rQt0XI

 

300萬投入B餐分段吸，依據咩去吸一口貨在收息103已授，300萬收16%，一年都48萬即月收入$40K，同埋呢個做法已屬保守，你見本BLOG不少師兄已來文講緊佢係收緊18%或20%了。當然唔想誇張陳述，重申收20-25%一年已係好盡，有些朋友請教10%是否可槓四倍這類問題，筆者只好說盡槓之事不宜現時做。時機已過自己又有實力唔使急，咁就坐定用美債同買美金升去睇個市會否調整而坐下一班車。讀者另外420萬可一半持現金，家陣定期做3個月都2%，不妨收收佢。另外200萬左右可買直債。直債與債基之不同是直債到期保本，但靈活性較高就在債基。

 

直債現價開始更吸引

瑞信集團 / PREP / 年回6.267%

恆大/2024/ 年回10.11%

生力啤/2023/ 5.2%

渣打/PREP / 5.6%

 

有些更有槓桿提供，但要留心CALL LOAN。200萬計收5.5%，即一年收11萬息。那讀者一年收59萬息可預期，仲有200萬現金淨。由於錢係賣樓而得黎，所以不用承擔新按揭，故5萬蚊係新現金流淨袋。不少心灰意冷的香港人可參考此法，有得4-5千元美金一個月已可在台灣、越南過很好生活，係澳洲加拿大亦過得去(如果有加拿大戶藉)，在別處「重生」。

※只接受修畢「收息101 / 股樓債賺價課程」的學員報名，本課程不對外開放！※

諗Sir 真人授課

**諗Sir【買樓收租課程】**

．當閣下付費報名上課或參與本網站的免費書展/免費文章/免費或收費講座/付費專欄等即等同明白本網站/公司的【收生條款及條件】【私隱政策/個人資料收集聲明】【一般免責聲明】【課堂規則】
．報名【免費講座】請即填寫【免費講座報名表格】
． 缺席課程的學員，可 【申請補課 】( 免費課程除外)，一律安排於下一期上課
． 此外本網站/本公司/旗下導師及行政人員均有權拒絕【任何可疑之人仕】參與任何講座/書展/收費課程/收費專欄及進入本網站/本公司擧辦活動之任何場地而事前不作另行通知
．颱風│黑雨安排載於【收生條款及條件】第17項–

---

---

L1:網上學習(影片8月5日後放出網上修讀)

L2:網上學習(影片8月5日後放出網上修讀)

L3: 2020年9月12日(六)14.00-16.30

費用: $3330