一架的士夠借幾錢?

  •  

    先生, 本人40歲,冇小孩,單身(丈夫已過世),冇負擔/負債.自僱醫療人員.年薪約Hk$1Mill.長住加拿大,心在香港, 倆頭走,計劃在港未來5年置2-3間物業.

     

     

    現在在港可動用資金(現貨價)如下;
    A.有紅的一架,11月打算到價就買出,到時會有3.3M
    B.銀行現金1.5M
    C.金幣/首飾1.2M
    D.1st/2nd growth 酒/酒花約值得200K
    E.股票180K

     

     

    只想動用A and B. C,D,E 等到價才出貨. 在元朗長大.看好元朗/屯門/東涌物業.有Hk身分證,上年HK有做税(taxi),但在港冇work/credit history.唔等$駛.

    問題如下:
    1.冇credit history,是否第一間屋要比100%cash?
    2.長線5-10年出租對比,新樓400K vs. 舊樓(20年) 250K
    3.屯門 vs. 元朗區域建議
    4.第一間不用比DDD,應買貴(新樓)或平(舊樓)?自住(想租1房比人=5K)
    5.想等到2015才入.而家入冇低過市價一成都唔考慮.建議?
    6.金幣平均價US$900買入.應折現買樓或等USA 2017 通脹做對沖才買出(at US$1600)?
    7.第二間樓買入strategy?

    可以指教下我嗎?HK買樓我唔熟.9月回去打算參加你的course..

    *筆者已改了部份資料

     

    答案

     

讀者在香港只有一架的士,究竟可唔可以借到錢? 其實除左的士之年收入外,讀者在外地之入息是可確認為核實入息的,只不過要打個五折或七折。有銀行更可將你的credit history transfer至香港,當然要係外資國際行先有得做。

 
讀者收入是較高一群,問題係不長留在香港,如果用七成或九成買入樓宇後租出,有咩事起上黎真係遠水唔能夠救近火。搵有興趣租樓既親戚,再比足五成首期加蓋印稅租出,是為上策。當然香港有機構幫你打點租屋收租事宜,讀者可自行選擇。如果係收租,買返20年樓齡的舊樓租出回報是高點,至於買間樓及後又拆一間房租出去,通常係老舊片中常見橋段,讀者都係唔好攪埋d複雜野。

 

 

讀者是有兩個方向可取得按揭。方法一為用月入去證明借貸能力。先是在港的士車租可用入數及車行證明。再加上美國銀行戶口之月結(細明)單,百萬年薪打半都應計月入四萬。最好準備定六個月出糧記錄及聘請合約,加埋香港身份證批出有望。

 

 

另一方法是資產證明,可批出你資產淨值乘以factor, 及物業價值之40%的金額(較低者)。當然會覺得40%好苛刻,此為政府收緊信貸的結果。如幾年後樓市鬆綁有望借多些少。現時以讀者資料,的士淨值計50%,現金全計,股票折半,加埋借三百幾萬有可能。但留意年尾銀行多不願意做資產證明,說穿了就是跑到數唔做麻煩野。

 
如讀者未有居住需要,可不急於此時購入樓房。當然一定有人同你講早買早供完,但諗樣沒有叫你買樓的生意,所以可幫你一個銀仔睇哂兩面。現時美國不是最困擾之因素,出口術令大家處於曖昧之中,最可控制大家預期而唔會出事。反而中國一輪急跌,真的怕新總上場會製造一次可控的經濟災難,淘汰沒實力的企業。六月樓市在預期之中由居屋帶起,中短期走勢我會在下個月的講座中,我同財叔同場為大家講解。










本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室