付費儲錢是小女人的出路?

Lum sir 你好!

 

最近才發現貴blog, 覺得你思考清析,見解獨到,又有理財智慧,十分佩服!  這麼遲才發現貴blog, 實在覺得太遲了. >_<

 

女子已經40歲, 單身. 月薪$24000, 爸媽側住公屋, 數年前已搬出自立, 以低於市價租住一居屋單位. 最近業主要收回樓賣, 現在十分煩惱.

 

由於我之前不太懂理財, 又不太懂投資, 太講究享受, 旅遊… 所以到了如此年齡, 仍然是無殼蝸牛. 而家痛定思痛, 可惜已經好遲, 所有好時機已過, 可憐.. 我而家月入24k, 應該冇再上升空間, 流動資金只有300k, 另有股票蟹貨120k, 扣除每月給爸媽家用8k, 自己洗費+保險等, 每月應該可剩9k-10k.  現在十分苦惱. 由於要搵屋搬, 這麼平的租已不好可能找到, 除非套房! 我想繼續擁有自由空間, 但係手頭上的錢好少, 只可比一成首期, 只可找屯門2mil 舊樓, 如新少少(e.g豫豐花園), 最少都要2.5mil or more. 我好想上車, 但資金又唔夠(但我不會減家用, 令爸媽生活質素下降) 而樓價又越升越高, 再唔入市. 又驚以後無機會, 但又驚樓價跌, 手頭上資金被綁住, 失去你講的留一半力在跌市時的機會.

 

依你高見, 你認為我應如何是好? 用緊绌金錢買樓, 租套房+繼續儲錢? 請指教. 萬分感激!!

迷失的小女人上

答案

本樣相信除了筆者在blog中有貢獻外,讀者亦很有貢獻。我講一百個道理都無用,你自己睇下不同個案便明了。今次讀者在年輕時先消費,亦無好似諗樣的庸才論咁講,在人世中找個伴侶襄助,除非自己戰鬥力好高,否則都係路難行。當然單身是個趨勢,亦是人生之中其中個選擇,但行邊條路之前先做好風險管理
,是為自己為家人負責任的做法。另外有些人是半同居半結婚的,那要看財務上大家會點安排,會唔會共同安排? 講到尾錢可以比到一個人更多選擇。錢唔係萬能,但讀者的金錢未有隨時間增多,人到某時間便會有煩惱。

 

 

筆者還是建議她買樓,你話市高又好,海嘯又好。讀者覺得自己儲唔到錢,部份是因為未有一套儲蓄方法,為此我會再同龔成兄黎多次crossover, 比大家一套儲蓄心法。

 
龔成有幾受歡迎同課程資料,請向下搜尋。至於買樓建議,是因為買樓後多數人都要供,形成強迫儲蓄,在每月還掉利息後所清還的本金,就是你每月儲起的。當然這有個前設,就是你賣樓時的售價至少要等於你的買入價。和股票比較,實在樓房經歷幾次金融海嘯,價錢都可以浮上水面。原因是你間樓的磚和地,在十幾年間沒有大改變。至於位置更因政府管理尚好,價值沒有因此而開倒車。股票即係一間公司,看好絕對可倍升,但可以因該公司一個派息,一個收購而造成水土大量流失,你應幾時用咩工具去點賺錢,諗樣有心得同你遂步share

 

 

所以供樓係過去十年低息環境,對唔儲錢既人黎講,你比利息當手續費去買個供款plan,
還是有著數。好多人介意收費,介意長遠儲蓄,那你要先問自己有否能力,去脫離儲蓄群,運用槓桿資產去產生被動收入。

 
讀者絕對係財商不高,那比個付費儲蓄計劃自己就最好不過了。在實行方面,要認清自己係不能受政府資助中而又收入低的一群,加點危機意識,幾絕對有幫助。申請居屋人工又太高,唯有幾個上車盤荃德,新麗,叠菌好好一望。由於人工未能令自己現金儲備突然增加,讀者不適合儲錢等時機。

 

 

再租套房,只不過係幫人增加財富,既然而家知未來路難行,何必再依從往前模式,令自己將來無路行呢?










本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室