【潘家榮】巴菲特:「海水退潮就知道誰沒穿褲子游泳。」

– 平安好醫生(1833)一開只係開57.3,頭先更加一度落返去54.8招投價,真係無諗過會咁衰
– 尋日仲諗住如果開高過暗盤價,可以點樣再買多啲
– 但係今朝一開,遠低過暗盤價,就即刻完全唔駛玩
– 所以一向都話,睇法唔重要,最重要係個策略
– 就算幾睇好都好,如果股價唔係想像中咁行,都要跟返策略去做
– 淨係喺暗盤價之下唔買,仲要走,都可以慳返唔少
– 記得之前有啲朋友都問過我,話之前咁多隻新股第一日上市都開高過暗盤價,如果預先喺暗盤買,會唔會有著數?
– 今次平安好醫生呢個例子,就話左俾大家聽,咁樣做係唔得,啲股係有機會開得遠低過暗盤價
– 純粹因為貪心,買暗盤搏第二日再升,其實只係賭博,有時會賭贏,有時會賭輸,但呢種方法唔會係長遠致勝既方法
– 策略好重要,所以喺咩情況之下都要緊跟策略去做
– 尋日我話如果尋日無奇跡,即日V型反彈升返上去的話,個市應該要向下,我地黎緊要準備睇淡既部署
– 今日指數進一步下跌,但係大家唔駛太過心急趕住去做淡
– 唔係話因為睇個市反彈定係點樣,而係無論咩情況下,都要考慮值搏率,要有近既止蝕位先至去做,千析唔好貪勝不知輸
– 暫時五月大單邊只係做左第一個step,仲要做多兩個step先至會做野,同學們唔駛太過心急
– 寧願錯失一次機會,都唔好因為一時怕蝕底,而令到自己有機會身陷險境
– 巴菲特講過:「海水退潮就知道誰沒穿褲子游泳。」
– 真正長期喺市場贏到錢既人,係會識得點樣控制風險,點樣贏就贏多多,輸就輸少少,經歷幾多個浪都可以逐級逐級上
– 千析唔好學一啲網紅,係又搏唔係又搏,睇中時就好似賺得好快,但一錯起上黎,又可以瞬間輸七八成,咁樣玩法好易輸身家
– 一隊波如果淨係識打順境波,而一輸起上黎,就好似中門大開既,講真,叻極有限




本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室