【潘家榮】買股票悉時轉弱要避 且要捨得走

– 都話呢幾日會有好多假動作,尋日係威係勢升400點,今日即刻跌返300落黎,大家最好都係唔好跟車太貼
– 今日雖然跌300,但係我都係攞返尋日果幅圖出黎講:「咪又係果個range!!」
– 不過其實今日又唔係咁差,我睇住我跟進開既果堆股票,大部份都仲係升緊
– 今日藥業股又升得唔錯架
– 至於係咪真係好返晒,都係睇多陣先
– 不過唔好淨係睇住啲靚野,我今日反而想特別提醒大家,買股票真係要識得分幾時轉弱要避,而且要捨得走
– 知唔知大跌市、股災,一般人輸得最多係咩?
– 佢地輸並唔係因為買錯左高位,好多時輸得最多既係,跌落黎唔肯止蝕,仲要不斷溝貨,咁樣先令到佢地坐晒成堆蟹貨,越輸越多
– 最近我發現有好多人有咁既情況出現,明明揸住果啲股已經轉弱晒,但係又唔捨得止蝕,結果股價越跌越低
– 好多最近出重大壞消息跌左好多既個股,要留意佢地唔係由升得好地地,而突然間跌落黎
– 往往都係轉左弱好一段時間,跌到喺低位既時候,再出個壞消息再大跌
– 好多人揸住左唔捨得止蝕,就會中招
– 486係咁,763都係咁,你諗吓如果喺高位揸到落黎會係幾大獲
– 所以大家聽到我叫你止蝕既,唔該聽話啦,唔好又話等彈,又話睇多陣先啦
– 700 我講左好耐話已經轉弱晒,叫大家走啦,而家咩位都穿,你唔係仲喺度築緊血肉人牆嘛?
– 唉,股票唔係咁玩架

筆者為證監會持牌人,並沒持有上述股票




本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室