【潘家榮】唔好見升嫌少貨 跌就嫌多貨

– 其實個市算做唔錯,前排個個講到咁恐慌,又咁多壞消息,咁都未單邊跌落去,仲可以守住喺二月既低位之上,都算係咁
– 而今日喺美期都無彈咁多既情況下,我地都仲可以升四百,港股都算做跑贏
– 但係你知啦,呢排咁反覆,隨時一個消息都打返落去,所以又唔好太過興奮住
– 反正好淡分界線喺30500,同而家唔係相差太遠,唔爭在啦
– 今朝升既時候,有朋友問我,而家得返六成貨,駛唔駛加返啲?
– 我答返佢,跌既時候你又會嫌六成貨好多啫
– 所以大家唔好見升就嫌少貨,見跌就嫌多貨,咁樣好易受市場氣氛影響,而亂做決定
– 平常心,跟返策略做野
– 咁悶既?投資從來都係悶架啦,你想好悶咁贏定係好刺激咁輸丫?
– 我有準備上返好淡分界線之上,逐步加返貨,但唔係今日
– 同學們可以做定功課,拎塊鏡出黎照吓啲股票
– BTW,星期六晚同老婆入去深井食燒鵝,真係堅好食喎




本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室