我不知道如何投資手頭的現金#1480

諗SIR你好!本人37歲,月入6萬元,太太32歲,月入4萬元。現居港島三房屋五十年樓齡,現值約600萬元,物業由本人的外母持有,已經供完。外母物業在今年6月按了130萬, 本人太太額外合共持有40萬元現金。

另太太持有市區兩房私人物業單位作收租,今年6月以610萬元買入,現約值660萬元,欠銀行366萬元, 月供13,000元,每月租金收入18,000元。

本人有個計劃,請諗SIR指點迷津。

1.5年過後罰息期後賣現居, 因為五十年樓齡, 沒有升值潛力。更換25年樓齡1000萬樓下的港島市區單位自住, 寫我的外母的名字。 我供, 但現在不知道如何投資手頭的現金。(因為有小朋友, 因此希望住港島。)

 

THANK YOU THANK YOU ~~~

 

answer:

估計由於2017年買左市區兩房物業收租,令家庭現金低下,暫只40萬。至於1.5年後賣走港島三房五十年樓再勁套約470萬,換1000萬樓,即係1.5年後要借530萬,另外太太欠366萬,夫婦兩人入息共10萬現,借貸力為100K*50%*2.59 = 12.9百萬。作上述安排後借貸力用掉(530+366)/1290 = 69.45%,只好說剛好附合,一滴都無剩。如再借多一點筆者應為過於冒險,係低現金水平下將借貸壓在7成之下屬必須。另外留意1.5年後讀者夫婦持有市值約1700萬物業,而資金估計到時有100萬,咁計條數應感牙煙。在借貸力用了7成加上現金只頂到物業跌100/1700 = 5.8%的情況下,在2018年如樓市大跌令讀者打掉希望趁市高「大換大」的念頭,應是好事。

 

五十年既樓有冇升值潛力就要睇Insider-news,即有冇機會比人收購。不過港島樓升得慢就唔使問「有冇機會」既。根據中原城市分區指數,2010年後港島樓價落後比新界東西同九龍,故閣下要住港島,就要進入「不計較自住樓升得比別人慢5-10%/年」之群組,亦即資產行慢50萬-100萬唔計較個隻。近日聽到有個論調,話港島樓升得慢,第時跌落黎都跌得慢。那回望2007年的股市,當年匯豐股份升得慢,又係咪表示佢當年跌都係慢呢? 希望大家唔好比銷售技巧瞞騙,呢招只係好入門既「反轉黎SELL」。

 

若諗sir係讀者,我就會盡按外母間樓,放係老婆戶口。當然如果外母肯賣,將間樓賺幅全釋放是更好的。不過明白作為女婿提出呢類問題,基本上嗌住交過年,受人涼薄是基本入場「費用」。那不如稍「行前一步」,將原本160萬加按到300萬吧,攤20年供要$15391(50年樓盡攤只二十年還),而300萬入手債基再疊增收息,年收10-12%(行E餐),一個月有$28K-$30K,減返供$15391仲有$14K-$16K淨,而原本外母樓租比人,收$15K/17K租應可。那$14K-$16K淨+$15K/17K租,應該夠讀者係香港島租三房有突,有淨孝敬下外母啦。

 

當然咁做有個唔好處,就係而家讀者住外母間三房係冇成本既,但而家咁做就要冒債基價格升跌風險,或者新租客唔交租而自己個邊唔可以甩租既風險。不過但凡興家創業既男人,都要識分辨風險同冒風險,成世人都唔冒風險或者留係講到爛既:「comfort zone」入面,你知結果係點架啦。

 

至於有人問:「乜又係用債基再疊增? 有冇第二d?」

  1. 若然資金夠,可用直債而槓桿,保住本咁收15%。可是連一百萬都未有係手既朋友,真係唔好亂試
  2. 保險是另一選擇,但唔係人地sell你個d。而係諗sir教你自己去搵個d。但點都好,放3-5年是肯定,入場要10萬。無野係少成本入場高息而又極彈性的

 

  1. 買股票可以是選擇。不過買股輸錢既人多而你究竟幾有膽將加按既錢買哂股票呢?

 

  1. 買車位買工廈買大陸樓? 第日再講。不過呢d投資物既佣金係貴過哂債基既,仲要市跌難搵人接。債基2008年雷曼個陣基本上都有人接。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室