【莫家強】談港股、沙地亞美

純粹個人睇法。阿里巴巴、京東、百度都係內地好好既股票,喺美國上市,近年啲股價升到飛起。有人會覺得佢哋無嚟香港,有啲可惜,但同幾位朋友傾過,大家都認為咁反而仲好,喺美國上市,長揸感覺上會安心啲。反正,就算無美股戶口,香港都已經有ETF可以投資到呢啲股票,將來選擇仲肯定會更多,我個人覺得無乜所謂。但當然,如果之前呢幾隻股票都揀咗嚟香港上市,入埋恒指,今日恒指都應該已經喺40000點以上。

之前講既同股不同權問題,或者係佢哋唔揀香港上市既原因,又或者只係下台階,唔敢肯定。但可以睇得出,港交所唔係太有能力揾到啲頂級內地企業嚟港上市。

但仲有一隻沙地亞美,李小加好想佢嚟上市,因為真係好大單生意。現時,市傳佢最少值2個trillion美金。1個trillion即係1萬億。兩個trillion美元,即係接近16萬億港元,大慨係騰訊既4倍市值。雖然沙地亞美只係諗住拎5%既股票嚟上市,但都值8000萬億。相比閱文,集資額未到100億,分別好大。就算閱文凍資5200億,擺落沙地亞美,都會叫未獲足額認購。如果香港個市唔夠旺,佢哋一定唔會揀香港。

佢嚟唔嚟上市,係關乎好多關連人仕既利益。所以我個人覺得,沙地亞美未落實上市之前,會有唔少人唔想港股個市冧住。

不過大跌唔會,小跌就好難講。恒指30000點,如果你唔係借孖展,正常買股票,我唔會阻你。但我自己就肯定係減貨,轉做其他更大贏面既方法。市況,開始睇到啲嘢,聽日開市之後講多啲。但真係我見市場既投資氣氛有啲過分高漲,小心啲。

 

11112

 

1111113

 

 

1111114

 

( 風險聲明:筆者為證監會持牌人。以上內容純屬分享並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。以上分享並不代表本網站、筆者或其僱主之意見、立場、推薦、陳述、誘使、支持或安排,亦非任何投資建議或勸誘。讀者務請運用個人獨立思考能力自行作出任何投資決定。)

 






本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室