一世人最好一次的債券機會 #1468

留意債市有冰火現象,主要是債券都有分國債高級別同高息債低級別,兩者對市場反應完全唔同。好似股票都有公用股同手游股,同樣係股票表現可以好唔同。另首先要明件事,債價下跌,一般而言會引致孳息率上升,唔明一係死記,一係黎上堂。

 

2017年11月初十年期美國國債的孳息率下跌,而一年期美國國債的孳息率上升,原因是上次議息後市場對一年內之美國利息點行有共識,致一年期美國國債的孳息率向上。同時長遠唔睇好美國加息,加上歐洲公佈再量化寬鬆,令資金向艾國靠攏,令較長年期的十年期美國國債的孳息率下跌(即價格上升)。十年期同一年期孳息一升一跌,造就兩者之YIELD SPREAD成十年內最低點。

 

睇YIELD SPREAD好有用,不過很難用一千幾百字交待。

 

高息債在此情下價格下跌,看法是5-10年期美國國債孳息率跌至2.3%附近,表示企業在下次債券ROLL OVER時融資成本唔會高,即企業之後派息唔疏爽,間接令人覺得高息債唔吸引,故價格下跌。不過跌勢在2-3天內已止。估計是高息債主軸,仍是跟經濟環境走。而家歐洲印銀紙而美國利息加唔起,就當高息債平均年派息由6%減至5%,投資人仍是要焗做。咁總好過放係德國國債、美國國債連1%都冇…0.4%放幾年…

 

看價格睇市場亦認為美國加息唔會狠,其實加息如狠,更有利高息債價格。高息債(大致係債基)價格是同息口同升跌的,而國債而反向的,再重申債有幾類,屬性不同。加唔到息,始終係美國實體經濟唔好,雖然美國失業率屢創新低,而聯儲講明會用失業率考慮加息。不過有非官方數據顯示,美國16至64歲的就業人口中,現時有近1.02億人沒有全職工作,較2009年2月經濟衰退最高峰時的9,260萬人,多出了近千萬。因此,失業率與勞工參與率兩項數據間的相差極大,已引起一些市場人士懷疑就業數據的真實性。有專家指出,「實際失業率」恐較官方數字多5倍,即美國失業率恐高達22%。失業率22%或許不可信,但事實真的是美國失業率下降速度和就業增速不成正比。

 

其實10年期國債孳息率下跌,正是市場人用錢投票,睇死美國加唔到息。所以高息債本應是經濟好,公司倒閉率低而銀行存款息高,最終引致公司發出高息公司債。這是正面循環。可惜現時市場是負性循環,就是經濟整極唔好要放水印銀紙,出面存款冇利息而投資人焗買高息債。高息債而家係因為咁既負面因素而升起。

 

至於國債,是同美國加息呈反向。美國國債個息低至1-2.8%,同美聯儲的貼現息口有類比性,所以呢類債在加息下最受影響,而高息債無咩影響。至於債王格羅斯出聲講:「而家係一世人沽空美債的機會!」,佢係指沽空高評級的美國或德國國債、或其類近。而唔係沽債基或公司債。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室