【潘家榮】新股熱潮正式告一段落

新股熱潮正式告一段落,不過今日上市既易鑫(2858)表現的確令人失望,而家現價距離招股價只係升近左8%,或者可能因為已經去到成個熱潮既水尾,真係無乜必要托到咁高,令散戶繼續咁留戀抽新股。

早喺上個星期閱文(772)上市既時候,我喺fb專頁已經同大家分享過點樣決定新股上市當日既去或留,就係睇住佢既暗盤價,如果一開係高過暗盤價,而又唔係幾跌得返落去既,即係代表市場都幾鍾意佢,大戶忍唔住喺高位都要買貨,咁有貨既自然就唔好咁心急沽貨住,可以睇多陣先。相反,如果一開就喺暗盤價之下,而且等左一陣都上唔返去,咁即係話佢唔係真係咁受追捧,所以都係走左先。運用呢個策略,當日772一開係90蚊,同暗盤價差唔多,但係一開市就係咁升上去,見到咁既情形,緊係唔走住,最後仲更加升過去110蚊,直到呢一刻都仲未跌返落去暗盤價。跟住輪到雷蛇(1337),雖然開高過5蚊暗盤價,跟住再衝一衝過上去,好快就落返黎,當失守左5蚊,又見佢上唔返既時候,就應該走,結果之後都仲係繼續跌。至於今日易鑫,尋日暗盤價大約10.9,而今朝一開已經去唔到呢個位,只係開10蚊,所有喺暗盤買貨既投資者都要輸錢,就算俾多少少時間佢,但係都未見到佢上得返去,見到呢啲情況,乜都唔駛諗,緊係拿拿臨走人啦。

唔好嘗試去估咩價係平,咩價係貴,升幾多先至合理?市場決定左係點就係點。

筆者為證監會持牌人,並沒持有上述股票

00個人照-1_1



__01





 


本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室