金仔加縮表、究竟點樣拆? #1429

SIR 你好, 我快將三十歲, 驚覺自己三年前因為無跟從諗SIR之前既意見而行錯好多路, 浪費好多機會同時間, 現在知返, 重上了收息101,103同上咗買樓101, 受益不淺, 希望重新出發, 知道情況比之前更差, 但還希望諗SIR能再給予意見, 感激!

 

收入

INDIVIDUALS:

63: 10K (不穩定)

60: 3K (不穩定)

30: 60K(剛轉工) + 2.5K(債基), 扣除支出, 家用, 保險預每月存40K

FAMILY:

出租淨收入: 6K

債基: 8K

資產

現金: 200K, 債基B (HKD) 250K

現金: 500K

家庭現金: 350K, 債基A (USD) 500K

自住物業(父和母聯名): 6.5M 2M

出租物業(我和母聯名): 4.2M 0.85M

想請教諗SIR, 現在如何行動,我都想如果時機合宜可以係2年內買樓, 現在盡力儲錢. 如是, 是否應該出租物業除我名,我做擔保,按出一半, 大約1.2M, 連同手上剩餘現金(用盡大約850K), 2M全入債基, 增加每月收入?

如是, 大約 連同手上有的, 總共2.75M債基

最近聞聯儲縮表, 北韓可能動武, 有見債基A 波幅較大,想分散投資, 打算如下:

債基A: 25% (2X)

債基B: 25% (2X)

債基E: 25% (2X)

債基C: 25% (2X)

TOTAL RATE OF RETURN = ~13%

可能太分散, SIR覺得不太合適, 煩請替指點, 感謝!

若然不是全入債基, 希望諗SIR能分析是否有什麼合適既投資物可加入個PORTFOLIO?

之前無執行諗SIR既建議, 深感後悔, 但還是要繼續前行, 希望諗SIR 能抽空指導, 感激!

 

迷途庸才上

 

ANSWER:

修畢筆者課程是不會叫你去開證券戶口、或買賣基金的。故讀者3年前上完收息101一路無執行,將自己投資成績同用屋企錢放係債基那美金500K比較,有感三年來迷途而少收息幾十萬,現在想作補救。同好多人一樣於發現錯誤出現鐘擺心態,由唔買債基變成好想買債基,希望將樓房升值加按買四隻,收13-15%利息。筆者睇法是讀者已投近400萬入手,就算加碼都不宣過急。應先回顧早年買入的債基A,已順風順水幾年,往後究竟有冇危機?

 

危機不在縮表。美國早年利用聯儲局低息拆借資金予銀行購入美國國債,由此美國政府及銀行都各「擁錢」在手,擴闊了資產規模。即美國政府既債有人買,政府有錢。銀行亦有人磅水比佢買到美國政府國債,再當做抵押品搵人借番錢比銀行,一來一回多了至少兩浸錢,現在美國要將此操作還原。先講於9月20日議息後,即日恆指同美股都無大跌,惟至上星期一之跌市,傳媒就搬返縮表黎講。同意縮表於操作上比加借貸人利息對水浸市場為害更嚴重,不過自2013年8月伯南克有收水,耶倫2016年加息幾次,至今縮表只屬美國政府予之新名詞,用作維持民眾對貨幣緊縮政策之預期。惟美聯儲真要有心緊縮,於2013年已可收到你水都無得飲,為何加息加到「孤寒友」咁,每半年先加佢一劑? 看法是聯儲講縮表只是想多做新聞,但少想收水。

 

至於金仔,筆者已早交待,呢鋪真不容輕視。八月初開始講,到今日氫彈已爆了幾次。好不容易才找出背後玩家應是俄羅斯。係談判對手將近確定之時,president trump究竟能否為人類和平傾個有利方案? 木宰羊。

 

原有債基,不用賣,那就省下沽完再買時再需付的佣金。那若市跌怎辦? 已授同學用逆向ETF去對沖債市下跌之風險。若美股跌破位至一定水平,先用小平去「買跌」。萬一唔跌那當比了保險費,萬一大跌就沖銷了一定的跌幅,投資人應如此作為。而不是睇雜誌中哂「加息毒」,將時間花在無謂的焦點。亦可見收息課內容及做法已在2013年教授至今,增加了不少為跌市及幣值下降時所用之對沖方案。除了逆向,讀者亦可考慮將佢原本美金500K在方案A轉做方案B,此可將所持的債基轉做較低風險類別,亦屬一減低風險方案。不少銀行中人都會叫你即沽為上,為的是想你再買時比多次佣金。

 

同時想指出債基雖是債基方案,不過價格不因加減息而變動。想反如加到息,債基價更有利。這已在讀者重讀時再解解過比佢聽。

 

攪好原本陣地,再想之後新錢點入。讀者可行一拆二將收租樓按爆八成,得100-300萬不等。所收款項可以投入收息101提過之「老豆之選」方案,意指用黎投資老豆既錢的債基方案,雖然收8-10%息,但波幅很少,低過哂全部中電煤氣,2015年成個7月遇上當年港股小時代,整月只跌了不足1%。那讀者錢收住息咁等,萬一有特別時做適量對沖,絕對是而家一個應市策略。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室