睇樓更重要的10個TIPS(下) #1405

鄰居

入屋之前望望鄰居,如在近鄰區之門外裝CCTV者,盡量避免與此等居民為鄰。唔值得博。亦可打開後樓梯的門,望望後樓梯有冇安神位。有既話很要小心。神位通常只有地主在門口而少在後樓梯,如有的話一般是亂神怪力之事宜。另外住宅用作做彿堂、做貨倉不時有發生,所以睇樓於入門前已應好去觀察

 

冷氣

窗口式冷氣,不時因封邊夾縫做得唔好而漏水,不過屬小問題。有些較舊的住宅用水塔式中央冷氣,要上網查下佢地係咪成日壞,一壞全幢都無冷氣。至於分體式冷氣為現今盛行,由屋內之出水喉至屋外的制冷機都要查清楚,一屋如壞兩部買返黎先整4-5萬絕不為奇。留意假天花有冇滴水、或一處無水管的地方竟見有水漬,很可能水從冷氣來。

 

門框

換門框比換門貴。留意廁所的門框及門口雲石有否經常被水淹跡象。若廁所門口的木地板明顯唔同色水,值得留意

 

無縫地板

若想省下裝修錢,唔鏟走舊地板夾硬鋪無縫上去是一方法。不過無心機鋪既師傅,會唔預寬位或少落吸收棉令地枝易逼甩、或踩落地板有空洞感,這些都要注意。同埋鋪左無縫,原本個地板一般都唔可以再用,咪信個師傅講可拆出重用了

 

地腳線

有些人慳錢唔要地腳線,其實地腳線是配合門框一起,令門框不易脫落,另外搬傢俱時保護牆身,木牆唔配地腳有可能被撞崩都唔奇。當然仲有時防止小朋友鞋底踢花牆身,所以地腳線是深身或磚為主,易清理

 

木改天花/牆

不時屋主會用木間房、或令天花不見樑位。這些間格有可能令你間屋過唔到驗樓、要知何為輕改何為大改?

 

假天花

裝假天花是掩蓋天花板漏水的良方。如果見假天花的縫有锈跡,更要留意。一般廁所有假天花、廚房都有。或正常是兩者都無。如一邊有一邊無、或無啦啦睡房都玩假天花,就要留意。

 

屎坑有乜好睇?

如果入廁所發現咸水渠底望見一堆啡色鐵锈沉底,證明間屋已經閒置好耐,買之前一係鋤個靚價,或者你攪唔清點解佢咁平賣,就不如唔好買。

 

村屋之電線提起

入到村屋玩法有些唔同,水浸、蜜蜂巢、街燈照唔照到賊都屬添加留意。如村屋你見電線是全行天花走,很有可能打風底個層有水浸。至於夜晚睇村屋可留意是否歸家路安全。有些村屋更需每位住客需交一千幾百比村長租車位(不論你是否有車),成為了隱藏租金。所以平村屋,好難睇。真係住落先知,避之則吉,唔熟咪買。








本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室