搵錢同守財是兩種能力

諗兄:

 

本人25歲, 與兩老同住(已退休), 小弟職場搵錢能力較低(但ugrad -.-), 因兩老資產日後將由自己打理, 想問問諗兄意見, 本人info如下:

1. 年收入約hk$180-200k, 加薪幅度5%左右~

 

2. 現住葵涌居屋(不用補地價)自住物業30年樓 實用400左右;(市值地產聲稱:2.8m)
長沙灣收租物業實用300呎(40-50年樓) full paid (cost 1.68m; 市值地產聲稱:2.3m) 月租hk$6800
11年3月買入 深井浪翠園實用500呎單位(望海中層) (同媽聯名mortgage 1.6m, 月供:hk$5500左右 hibor rate around1%)市值地產聲稱hk$4.2m -.-)月租hk$10,000

 

3. blue chips 股票約值hk$8-10m, 70%指數基金為主(2800,2828,2823), 20% blue chips, 10% 細價股

 

4. hk$2.6m定期@2.5% (每月派hk$5500) (呢個係一個十年前做既saving plan, 幾時玲錢都唔使罰,但係只可玲(拎)出, 不可存入) + 1.3m (mortgage linked saving)

 

5. rmb100k saving + hk$100k ibond

 

 問題
1. 小弟認為股票持倉太重, 想轉d做收租物業, 應否加按物業/賣出股票/動用現金再買入收租單位( budget hk$5m, mortgage 30% possible?), 有什麼意見? (但港樓下行風險很大)
2. 大陸收租如何? 諗兄有冇經驗分享下?
3. 想等浪翠園完租約(13年11月)沽出, 因4.2m我覺得完全overprice, ssd 13年4月完, 連租約賣通常低市價幾多? 但自己覺得物業應大富翁式收集更佳, 另外該mortgage息很低, 呢個rate真係做唔番
4. 如果係你, 你點allocate以上資產? 哈哈
謝謝

 

答案

讀者收入實是一般,好在都肯開口問,不是自負之輩,否則兩老身家未必可以久存。相信大家都羨慕人地中六合彩頭獎,亦知當中不少幸運兒係中獎後幾年都敗哂副身家,打回原形。原因是搵錢同守財是兩種能力,相近但不相同。六合彩幸運兒不懂守住財產,就算會投資都係亂買一通,好運既有高人指點,保住當中一半捱埋下半生。大老闊能守能增家財主因是在學習賺錢期間,亦訓練了守財力,否則「出快過入」,大老闆都不會留有資金越發越大了。中獎者是一例,二世祖又是一例,總之前人說富不過三代是有道理,此話為窮人留起一絲希望,盼到仔女一輩能和二世祖有個大逆轉。可惜有了家族信託後,要二世祖敗哂成副身家有點難度,窮人想要大逆轉真是要識時機,懂投資了。

 

 

讀者要好好學習如何去打理家財。真的用現有人工「在港生存」,自己都知咩事。另外讀者可以去中原網站看看近日屋苑成交價的,唔使agent話幾多就幾多。同埋比你係agent,都講個價高d啦。所以人到四十才不惑是對的。

 

 

讀者提及的葵涌、長沙灣、深井都不是初階投資者應買之地方。深井不見未來五年有交通改善,頂多食少少元朗水尾。長沙灣是尋寶之地,惟初階冇奪寶奇兵咁好身手都係唔好亂去,話唔定「中伏」既係自己! 葵涌居屋住下可以,買賣不必。

 

 

首先股票持倉不重,只是和樓房投資平分春色。計investment exposure不用將按揭欠款算在內的。你爭幾多錢都係跌一成就輸樓價之10%。如果你不介意對人對事,建議讀者不如轉做裝修或投資經紀,因為讀者只要不好踩中投資騙局,比心機打理手頭物業又整下套房,生活根本無憂。而放棄現職的機會成本很低,值得比勁一試。

 

浪翠園確實要「走」的,如果自己做deal,可省回不少傭金。樓要快走,反而股票可以留。現時恆生指數及上證指數市盈率偏低,8-10mil的股票portfolio不是處理重點。不如趁後生又未成家室時好好在工作學習一下,就算唔想涉足投資或裝修界別,都應好好發展現有事業。大陸收租等日後再說,攪好香港陣地再北望神洲都未遲。至於連租約賣,less10-15%是平常。如果係我就會係九龍或北角攪套房,一間樓收租都已經等於ugrad成份糧。但係攪套房,買舊樓而賺錢不是一兩年就習得之「功力」,所以讀者暫時只可以望而應開始落手去學。千里之行、始於足下。在此冕勵一眾年青人,放下身段落手去幹是必需的。讀者咁有心去問已是一個好開始,如果諗樣集中向你講介投資方案,那是一個賺你傭金之行為,而不時對你人生有益的。

 










本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室