天時地利人和全無的攪生意解答

諗樣大師, 小弟今年28歲,X大畢業, 做左sales 5年,月入3萬, 一直都想開自己的公司,有自己的事業. 
現在打算上北京同朋友合資做coffee n bakery的生意.打算自己用50-60萬, 朋友係上面有network都有經驗,不過自己就唔識, 而自己都想係30歲前試下. 

 

 

現有現金50萬左右, 股票20萬, 一間自住樓約值400萬(屋企人幫)係荃灣鐵路上面.欠銀行28萬, HSBC P-2.5, 月供3千5左右. 
依家想問銀行借多120-150萬做後備流動資金,依家P-2.6%有CASH回饋,想問做人仔定期好唔好. 
(自問投資眼光一般, 股票&牛熊証方面以前玩得太高風險, 到目前為止-10萬) 

 

答案

28歲仔想開創事業,是值得做的。因為人到38歲顧慮會更多,更不敢向沒有收入保障的創業路途邁進了。創業最令人困擾,莫過於失去打工穩定收入。但社會上九成都是打工仔來的,自從有電腦後上級可控人數倍增,當中又以最簡單而又唔使用腦的工作最易monitor,所以在過去幾十年有兩種現象越見顯現。一是眾所周知的寡富現象,此令細小公司生存機會下降,致老板人數減少,打工仔人數大升至九成。其餘在電腦革命再之前,即工業革命之前,社會上「做老板」的人數是較多的。起碼一條村都養到幾個做鞋師傅兼老板吧!另一原因是工序被現今管理學有心「拆細」了,簡單工序方便老板管理,又容易更替,變相工人工資下降,令僅存的「老板階級」滅亡,如今在大城市叫得老板不少都係有米之人,當然有一些老板是在掙扎求存,過得一排又「被同化」,加入打工仔一群了。九成之比率令大家覺得打工是必然,安穩生活是硬道理。

 

 

其實諗樣亦同意的! 人生何需咁多搞作。當然你要留意在現公司會否過份安穩,是否可隨時被更換? 搞生意大部份人認為是不穩定之舉動,上段九成人之說已解明了。可是生意搞得上,肯定比打工更安穩。又或你搞生意搵到一大筆錢,再執左佢或賣盤,一樣是很安穩的。又有人話搞生意收入是很不穩定,令人感覺不好。筆者覺得這視乎你盤生意的收入是在什麼水平地不穩定了….如果一個月賺十萬而下個月袋三十萬,筆者是會接受這「不穩定」的! 最緊要佢係不穩定地高!

 

 

又有人話做生意要先輸後賺,最時先捱得到三十萬income呀? 三十萬港幣,應該是誇國公司一個regional head的月入了。這視乎你攪什麼生意了,攪間製衣廠定係涼茶鋪,是有很不同之收入支出模式的,極建議先了解該行之商業模式,才付出勞力一博。何況讀者只是廿八歲仔光棍一「條」,博唔到唔代表失去很多。

 

讀者見諗樣成日建議後生仔留些少現金去投資,玩高風險產品亦無妨。讀者參與投資亦試到自己在此路行不通,這已是一個很好的結果。後生輸錢唔緊要,最緊要唔好到老時先輸錢輸時間。

 

講到呢度讀者一定以為諗樣很建議阿俊北上創業,惟諗樣見coffee n bakery的生意阿俊根本不在行,但打算同一個有人脈有經驗既人在異地合作,此舉不建議。搞生意是建議的,但此行未出發已預見不祥之兆。生意如果搞唔好,自己好快摺埋。生意攪得好,阿俊必定會比人飛起,又或在當中產生磨擦,令合作漸瓦解。朋友做partner,必定兩人能各司其職,合作才能持久。一個人猛咁做而另一人只做些邊際無謂的事,只會拖垮合作。以上壞情況有可能被除去,就是合作的兩人是親兄弟或家眷,才有長短腳而能前行之可能。

 

 

所以讀者想「試下」,請認真想清楚及做好部署。










本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室