兩個大賺2000%的方法

諗兄您好,小弟今年32,月入$24k,Cash 50萬,自住太子實用700呎三房洋樓估值600萬,2010年家姐擔保(月入$10k)加按後欠銀行210萬,H+0.7月供6.6k,購入兩層花園街實用260呎10年買入價1.38M及1.44M尚欠銀行91萬一及68萬,月供H+0.8 $2700(7成按)及P按2.15 $3200(5成按),收租每層$8.5k,2間收租剛好打和3間物業的供款雜費.

 

問題係二層放租物業回報逹6厘,但無法制造正現金流,現在每買一層可袋1M.
有什麼做法可以優化資產呢?再加按等機會如何?趁高出貨賣走一兩間?

 

係每賣一層可賺1M,全沽可以揸住4M cash

 

無任何負債,三層均做30年按,每月可儲一萬,是否要盡一切努力揾800萬生活才無憂呢諗兄,400萬有無計?

答案

當然讀者是幾叻仔的了,製造了月入近100倍之財富,唔知你本金用幾多,亦雖未埋單計數但睇帳面已令不少人羨慕。成績已證明自己有一定膽色同能力,回報已有2000%,何不再進一步,利用手頭上資金再加上一個零呢? 人的生活是在於你怎樣過,你靠自己搵得更多,即見識更多,到死一刻只有更少遺憾,更少去問如果。諗樣的人生觀認為這樣過活令人生更有意義。

 

咁快就諗四百萬或八百萬夠唔夠守完場,只會輸完一球又一球。現在work hard play hard,過多廿年仲有命然後再諗點去「守」仲未遲。

 

 

建議賣出一層,因賣一層所得一百萬已可自己多年所儲金額了。留番一層原因是讀者弱點是借貸力不足,這亦可能是他為自己定下太低目標之原因。淨低一層,問題已由他自己所點出: 就是回報6厘的屋為何未給予正現金流呢? 筆者相信六厘之計法是用現年租金收入除以2010年之買入價。但如用現市價再計,即將8500*12/1.44mil,年回報只為4%。對於一間舊樓來說,4%是偏低的。如果買舊樓都只係得4%租,我不如走去買間翠屏或者好運收租了,又好租樓齡又較後生,冇咁多野煩。

 

 

如果讀者的人工未能再向前邁進,他只好努力在被動收入方面入手。倒不如將間屋變成劏房,再谷大回報至7%,然後搵返一個同係今日一樣相信花園街舊樓4%年回報為正常既人去接左貨佢吧。條數係咁計: (1.44mil+1)*7%,即係要造好間樓個月租收入為170000,你要再搵「專業人員」去度下,可否間到值錢套房決定在你的門窗位,當然此事是先投資,間房都要錢,平平地六至七萬做得成。事成搵好租客後,訂好租約作為下次賣樓之證明,話比新買家知你間樓收租都收成萬幾蚊,計番4%年回報,賣價係170000/4%=4.25mil。你咪平些少三百幾萬賣比佢囉! 當然你要搵另一個同當日的你一樣,覺得舊樓年收租4%冇問題之買家。

 

 

就當你間唔到咁劏房,租又加唔到咁多,你間返兩間套房執靚張租約佢,用增加租值去扯高叫價是坊間一貫用緊之法。投入金額六萬銀而又賣蚊成百萬,諗樣反向提供一個大賺廿倍之方法。希望可以同你2010年至今大賺二百萬之經歷,一起相輝亙映吧!









2 Responses to 兩個大賺2000%的方法

  1. Alex says:

    回應兩個大賺2000%的方法post,
    先謝謝諗兄的回覆,諗兄你建議我不應在意四球定八球小第相當同意,現在步處先減持一間物業及之後所得之資金成立有限公司,再靜候時機待巿况調整後再入巿增持.
    花園街兩個單位樓齡約廿十廿年左右及因開側原因無法作劏套房而增加租值.市况再好裝修靚靚因一房限制估最多租至一萬左右而無法拉升賣出價至3M.
    給諗兄說穿了需有膽色增持物業但礙於學歷小弟只到中五程度相信人工短時間無法增長而影響借貸能力.而小弟驚訝發現香港有大量人工比我高得多學歷及見識比我深及廣的前輩現在繼續選擇租住物業實在難以理解.所以多睇諗兄的blog及實地參與研討實乃短時間學最多最實用的方法.
    另外小弟2005年第一間物業所用的資金約四十萬作七成按揭,而且所得之首期全數皆問親友借入…到今日擁有三間巿值千萬物業實乃運氣加摃桿摃桿再摃桿.願與諗兄一起於狂印銀紙的世代共勉之!

    • admin says:

      alex: 其實你已經好好架啦,如果你願意,真係要搵你上台教下d後輩搵錢係要用力同用腦


本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室