請勿把錢死困在籠底

Hi Lum Sir,

你好! 本人43歲, 於2007年以$365萬買入並入住天后區維景花園中層煙花景A座單位, 而家供緊$220萬既mortgage, HIBOR每個月供大概$8600。2-3個月前維景叫價幾好, 大概$800萬倒左右(政府出招後就應該冇咁高喇)。我手上既cash唔多, 自己做D小生意, 唔係個個月有收入, 但如果有生意既時候, 一個月都有大概$3-4萬收入。如果真係賣倒$800萬, 我手上就有現金用, 好鬆動, 個心就定D, 但就冇左個靚景既單位。

 

不過如果有呢筆錢, 萬一個市跌, 我又可以以低價再入市, 再有剩餘既話, 因老公係美國人, 都想喺美國俾手期供多間屋。我亦有另外一個打算,過多2-3個月就會搬入我呀媽屋企同佢住,每個月要俾$6000租, 如果唔賣維景既話, 我都諗過租出去, 租金收入大概有$2萬一個月, 可以cover mortgage, 我呀媽既$6000租金, 仲有少少錢剩。

 

但呢個係一個好保守既做法,好多朋友auntie都叫我唔好賣,話有個單位喺手將來就唔洗擔憂,不過我想聽吓Lum Sir既意見, 今時今日既香港樓市, 係唔係已經同之前幾次既economy curve唔同呢? 我讀過你本窮爸爸富爸爸書, 你話經濟每過10年就有一大跌, 而家仲係唔係敢呢? 我應唔應該博一博, 而家放左個單位, 跟住等個樓市跌再購買呢?  定係保守D, keep住單位好呢?

 

答案

讀者最需補足是借貸力不足。其實賣樓同唔賣樓之間,仲有好多可能。如來年將收入報足稅,交利得或薪俸稅,就當拉個平均個人收入應證有兩萬餘元,可將樓不賣出及作套現之用。

 

 

 

當然讀者擔心而家唔賣之後就無好價錢,應否放手一博? 筆者認為讀者只得樓一間,如冇樓係手個心又會唔會定呢? 到時錢有五百萬,但應如何處理,讀者又有否再諗清楚?

 

 

 

想信讀者本身對投資沒有興趣,亦估計是新手一名。心態及知識未必能妥善打理即時所得的一大筆錢。可以有人會話,錢係我既,點會唔識打理呢? 冇錯你可以即時使哂佢,但要令錢洸得其所又能照顧退休所需,是長時間一點點累積的努力。

 

 

 

建議著量申報自己生意收入,如能再找到擔保人即可將樓套現至七成,老公收入如在外地亦可折合計算。可套金額為(8.0mil*7-%)-2.20mil=3.4mil。套出金額可將一半放在靈活按揭戶口,收回按揭息率之等回利率,變相將要用腦諗之再投資金額減半,至1.70mil。此金額可換做人仔做定期,3到4%年回報可期。這樣設置無非是配合你個等,等市低係美國或香港再買一層。

 

美國買樓不時是筆者與朋友談及問題,可以買價好平,但延後收費一般。在wall street買間一房studio租比鬼佬可要支付服務費每月US$2000,而距離wall street遠點的地方租間大屋都係us$2000, 所以間屋曬左好耐太陽,蝕賣離場。當然亦有不少筍貨,先生是美國人可在正確判斷。再唔係等下在港置業。

 

 

 

如找不到擔保人,可先搬到家人屋企住,再將樓租出。半年後齊租金收入即可當自身收入證明。惟因單位已作投資用途,套盡都是50%,即可套金額由3.4mil減至1.8mil。但此金額已夠讀者在淡市比首期買多一間了。Auntie應是對的,冇樓係手而手持大筆錢自己攪投資,相信暫不是你杯茶。至於想握500萬係手慢慢洗,諗樣認為此金額就算可洗過世,都係一個令你不開心的退休生活。當然有外力幫忙,以上所說的問題都不是問題。

 

 

 

經濟是有週期,大浪仍然是六十年一大週期,十年可視作為一小週期。至於當中有不小波浪支折,實在是難估何時為一週期的完結,那時是重生的一天。由於只等一物業在手,借貸力亦不足,不建議賣出。努力一拆二,實在地知道幾時供完幾時有兩間樓係手,總好過一大舊錢係手只洗面頭一浸,大部份錢死困在籠底。









 


本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室