十年供樓得個桔 結局由你定(答)

按此看問題

 

既然嫁得好,男方父母開燈派百萬利是,請你不要浪費。以下係兩個不同策略,成就不同人生。

 

傳統買入構想:

有一百五十萬,何不全用作首期,買入五百萬之單位呢? 1.5mil剛夠比三成首期。印花稅15萬。這預算可勉強在北角大屋苑中購入兩房單位,健威花園是也,本文特別貼出其走勢圖,你可見近年和中原指數對比只是「大家有上有落」,稍輸大市或同步。在北角其餘選擇,以500萬預算不能令好貨色入手,再唔係走去睇樓自然令心中有數。仲有一個方法,就係搵一個嫩口既北角agent講出你的預算,我肯定佢會呆一呆後再扯你去尖沙咀睇座落粉嶺新盤。

 

後生最好係有時間,時間用得好,自然會幫你不費力完成很多事。如買入南豐新村則有另一問題,是本身樓齡已36,再過幾年物業可抵押力會急速下降。另外舊樓上會應只可做20-25年按揭,如只得20年批出,雖你倆月入已好過不少人,但月供款項為$18377,未必人人願意每撥出該筆數供樓。元朗yoho town你可自行番查,價格走勢比上述屋苑好。Yoho town有幾期,亦有不同種類予你選擇,筆者覺得年青人住遠些少,開頭住平些少是好的! 你去睇下單位,當然可以買大些少,用盡五百萬聯名買入單位,是不錯之策。

投資部署構想:

如你有心買樓收租收落去,為自己早成全職媽媽作準備,最好開頭你都係住細些少。忘記上段說好的五百萬,只先用三百餘萬在元朗買入單位,成交3.5mil月供萬餘元。當然單位會在五百呎之下,看你會否開首作忍耐。

 

我價設你地係先叫男家父母存左一百五十萬比你,你可只用0.35mil做九成按揭上會作首期,老公單名買樓。淨低成百萬,可以存入女方戶口,如成協議就大家好辦,「價錢」可自己上落傾掂佢。攪咁多野係為左第時可再用老婆單名九成上會,及免卻double從價印花稅,會否實行自行判斷,因每個家庭情況「極異」。…….

  Facebook Login










本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室